گولوۆكين - الۆارەس جەكپە-جەگىنىڭ 5 -مامىردا وتپەۋىنە 5 سەبەپ

وسىعان وراي Vesti.kz ءتىلشىسى جەكپە-جەككە كەدەرگى بولىپ وتىرعان بەس نەگىزگى سەبەپتى اتادى.

بارىنە كەدەرگى بولعان كلەنبۋتەرول قوسىلعان ەت پە؟

ناۋرىز ايىنىڭ باسىندا مەكسيكالىق بوكسشىنىڭ دوپينگ سىناماسىنان كلەنبۋتەرول تابىلدى.

بۇل پرەپارات ادامعا بۇلشىقەت كولەمىن وسىرۋگە جانە مايدى جويۋعا كومەكتەسەدى. ال سپورتتان تىس بۇل پرەپارات جانۋارلاردىڭ سالماق قوسۋى ءۇشىن دە پايدالانىلادى ەكەن. «كانەلو» قالاي اقتالدى؟ ول بۇل پرەپارات قانىنا ەت ارقىلى تۇسكەنىن ايتتى. بوكسشى، بولماسا ونىڭ دارىگەر ماماندارى (ديەتولوگ) ەتتىڭ زاقىمدالعانىن بىلمەگەن. شىن مانىندە كاسىبي سپورتشى نە جەۋدى، قايدان جەۋدى ءبىلۋى كەرەك ەمەس پە؟ الدە مەكسيكالىقتىڭ بۇل ءبىر قۇيتىرقى ارەكەتتەرىنىڭ ءبىرى مە؟

بالكىم، جەكپە-جەككە دايىن ەمەس پە ەكەن؟ ساۋل الۆارەستىڭ قانىنان دوپينگ تابىلعانى تۋرالى اقپارات جاريالانعان ساتتەن باستاپ، سپورت ساراپشىلارىنىڭ ويى سان ساققا كەتتى. ءتىپتى بۇل جەكپە- جەك الدىنداعى «قارا پياردىڭ» ءبىرى دەپ باعالاعاندار دا بولدى.

سپورت جانكۇيەرلەرى قوس بوكسشى اراسىنداعى كەزدەسۋ وتپەي قالا ما دەپ ءاۋ باستان الاڭداعان. بيلەتتەر دە ساتىلىپ كەتكەن. دەسە دە سپورت ساراپشىلارىنىڭ كوپشىلىگى بۇل جەكپە- جەكتىڭ وتپەي قالۋىنا كۇمانمەن قاراعان-دى. ايتسە دە 5 -مامىردا وتپەي قالۋىنا سەبەپ ارتىپ كەلە جاتقانداي...

1. جەكپە-جەك ن ۆ و ارناسىنىڭ باعدارلاماسىنان الىنىپ تاستالدى

قوس بوكسشى اراسىنداعى جەكپە-جەك ن ۆ و ارناسىنىڭ باعدارلاماسىنان الىنىپ تاستالدى. سەبەبى مەكسيكالىق بوكسشى قازىر جارىستاردان ۋاقىتشا شەتتەتىلگەن. بۇل - بوكس كەشىنىڭ وتپەۋ قالۋىنا باستى سەبەپ بولماۋى دا مۇمكىن. ايتسە دە تەلەارنا ءۇشىن بۇلاي جاساۋ ءتيىمدى دە ەمەس. نەۆادا شتاتىنداعى اتلەتتەر كوميسسياسى (NSAC) ساۋل الۆارەسكە قاتىستى شەشىمدى 10 -ساۋىردە شىعارادى. ودان كەيىنگى ارالىق ارنا جارناماسى ءۇشىن از بولۋى دا ىقتيمال.

2. بيلەتتەر كەرى قايتارىلا باستادى - ب ا ق

قوس بوكسشى اراسىنداعى بيلەتتەر جىلدام ساتىلىپ كەتكەن ەدى. بۇگىن Fightnights.com باسىلىمى قوس بوكسشى اراسىنداعى جەكپە- جەك بيلەتتەرىنىڭ كەرى قايتارىلا باستاعانىن حابارلادى. «ورتا سالماقتاعى ساۋل «كانەلو» الۆارەس پەن گەنناديي گولوۆكين اراسىنداعى ۇزاق كۇتكەن جەكپە-جەكتىڭ بولماي قالۋ قاۋپى بار. Las Vegas Review-Journal شولۋىندا MGM كومپانياسىنىڭ رەسمي وكىلى بيلەت ساتىپ العان جانكۇيەرلەر ونى قايتارا الاتىنى تۋرالى ماتىندىك حابارلاما تاراتقانى ايتىلعان»، - دەپ حابارلايدى باسىلىم.

ءيا، بيلەتتەردىڭ كەرى قايتارىلۋى - جەكپە-جەكتىڭ وتپەۋىنىڭ ايقىن ءبىر دالەلى بولا الادى. ايتسە دە ب ا ق- تا جاريالانعان اقپارات شىندىققا جاناسا ما، جاناسپاي ما، ول جاعى ءالى بەلگىسىز.

3. ۇيىمداستىرۋشىلار جارناما جۇمىسىن توقتاتتى

قوس بوكسشى اراسىنداعى بوكس كەشىن ۇيىمداستىرۋشىلار جارنامالىق جۇمىستاردى توقتاتقان. Los Angeles Times اقپاراتى بويىنشا Golden Boy Promotions پروموۋتەرلىك كومپانياسى بوكس كەشىنە قاتىستى ءىس- شارالاردى ۇيىمداستىرىپ جاتقان جوق. نۆو ارناسى جارنامالارى تىزىمىندە دە جوق

4. «كانەلو» جارىستاردان قانشا ۋاقىتقا شەتتەتىلەدى؟

Los Angeles Times حابارلاعانداي، مەكسيكالىق بوكسشى 1 جىلعا دەيىن سپورتتان شەتتەتىلۋى مۇمكىن. كلەنبۋتەرول مولشەرىنە قاراي جارتى جىل بولۋى دا مۇمكىن. «كانەلونىڭ» 17 جانە 20 -اقپانداعى دوپينگ سىنامالارى ءساتتى بولعان جوق. سوندىقتان قانداي دا ءبىر جازا قولدانىلۋى ءتيىس.

5. قوس بوكسشى اراسىنداعى جەكپە-جەك قايتا كۇزدە ءوتۋى مۇمكىن

ESPN ارناسىنىڭ ساراپشىسى، تانىمال بوكس مامانى دەن رافاەل گولوۆكين مەن الۆارەس اراسىنداعى جەكپە- جەكتىڭ 5 مامىردا وتپەيتىنىنە سەنىمدى. «مەن كوپجىلدىق تاجىريبەمە سۇيەنەتىن بولسام، بۇل جەكپە-جەك 5 -مامىردا وتپەيدى. وعان سەنىمدىمىن. كوميسسيا جەكپە-جەكتىڭ وتۋىنە رۇقساتىن بەرە قويماس. الۆارەس دالەلدەي المايدى. «كانەلو» مەن ونىڭ كومانداسى دوپينگ ەرەجەسىنە سالعىرت قارادى. كەم دەگەندە 6 ايعا سپورتتان شەتتەتىلۋى كەرەك. سوندا جازا مەرزىمى 17 -تامىزعا تۋرا كەلەدى. ال گولوۆكين بولسا، 5 -مامىر كۇنى وزگە بوكسشىمەن جۇدىرىقتاسۋى مۇمكىن. بولماسا جاز ايلارىندا ءبىر جەكپە-جەك وتكىزەدى. ال ەكى بوكسشى تاعى دا مەكسيكا ەلىنىڭ تاۋەلسىزدىگى (17 -قىركۇيەك) كۇنى جۇدىرىقتاسۋى بەك مۇمكىن، - دەيدى.

Kaz.tengrinews.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى