گاز جانە اتوم جۇيەسىندە ەكى كۇردەلى جوبانى اياقتاۋعا 5, 5 ميلليارد تەڭگە بولىنەدى - ب. سۇلتانوۆ

بۇگىن «2016-2018 -جىلدارعا ارنالعان رەسپۋبليكالىق بيۋدجەت تۋرالى» زاڭىنا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن تانىستىرىلىمى بارىسىندا ق ر قارجى ءمينيسترى باقىت سۇلتانوۆ وسىلاي ءمالىم ەتتى.

«بيىل ەلىمىزدەگى گاز جانە اتوم جۇيەسىندە ەكى كۇردەلى جوبانى اياقتاۋعا 5, 5 ميلليارد تەڭگە بولىنەدى. بۇل بىرىنشىدەن، الماتى- تالدىقورعان ماگيسترالدىق گاز قۇبىرىن سالۋ. ەكىنشى باعىتتا قازاقستاندىق توكاماك ماتەريالداردى شىعارۋ كەشەنىن قۇرۋدى اياقتاۋ قاراستىرىلادى. بۇعان شامامەن ءبىر ميلليارد تەڭگە جۇمسالاتىن بولادى»، - دەدى مينيستر.

 ونىڭ ايتۋىنشا، وڭىرلەردى دامىتۋ باعدارلاماسىن ىسكە اسىرۋعا 60 ميلليارد تەڭگە وسىممەن 128 ميلليارد تەڭگە سوماسىندا قاراجات كوزدەلەدى. ال كولىك جۇيەسىندەگى شىعىستار دەڭگەيى 41 ميلليارد تەڭگەگە ارتىپ، 466 ميلليارد تەڭگەنى قۇرايتىن بولادى.

اۆتور: قانات مامەتقازى ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى