پرەزيدەنت سايلاۋىن وتكىزۋگە 5,5 ميلليارد تەڭگە قاراستىرىلىپ وتىر
«قازاقستاننىڭ ءاربىر ازاماتى ق ح ا باستاماسىمەن تانىس دەپ ويلايمىن. قازىرگى ۋاقىتتا قالىپتاسقان جاعدايلارعا بايلانىستى سايلاۋ وتكىزۋ قاجەت ەكەنىن ءبىز قولدايمىز. بۇل ۇلكەن شىعىن دەپ ايتۋعا بولاتىنداي اسا ۇلكەن قاراجات جوق. 2016-جىلعا پرەزيدەنت سايلاۋىن وتكىزۋگە قاراجات قاراستىرىلعان، ول - 5,5 ميلليارد تەڭگەگە جۋىق»، - دەدى دوسايەۆ جۋرناليستەردىڭ سۇراعىنا وراي.
ەسكە سالا كەتەيىك، 14- اقپان كۇنى قازاقستان حالقى اسسامبلەياسىنىڭ كەڭەسى 14- اقپان كۇنى ءوز وتىرىسىندا قازاقستان پرەزيدەنتى سايلاۋىن مەرزىمىنەن بۇرىن وتكىزۋ تۋرالى ازاماتتاردان كەلىپ تۇسكەن كوپتەگەن وتىنىشتەردى ءبىراۋىزدان قولداپ، بۇل تۋرالى باستاما كوتەرگەن ەدى. اسسامبلەيا كەڭەسى مۇشەلەرىنىڭ پىكىرىنشە، الەم ەكونوميكاسىنداعى داعدارىستىڭ ءورشىپ تۇرعان جاعدايىندا كەزەكتەن تىس پرەزيدەنت سايلاۋىن وتكىزۋ رەسپۋبليكاعا «نۇرلى جول» باعدارلاماسى مەن ەل دامۋىنىڭ ۇزاق مەرزىمدى دامۋ باسىمدىقتارىن ىسكە اسىرۋعا مۇمكىندىك بەرەدى.
