وسى جىلدىڭ 5 ايىندا ەكونوميكالىق ءوسىم 4,1 پروتسەنتتى قۇرادى - مينيستر

 «اعىمداعى جىلى سىرتقى جاعدايدادىڭ جاقسارا تۇسۋىنە بايلانىستى ەكونوميكالىق بەلسەندىلىكتىڭ جانە ەكونوميكانىڭ شىنايى سەكتورلارىنداعى كورسەتكىشتەردىڭ جاقسارۋى بايقالادى. الدىن الا مالىمەتتەرگە سايكەس بيىلعى جىلدىڭ 5 ايىنداعى ەلدىڭ ەكونوميكالىق ءوسىمى 4,1 پروتسەنتتى قۇرادى. ال وتكەن جىلدىڭ ءدال وسى كەزەڭىندە 0,2 پروتسەنتكە قۇلدىراۋ بايقالعان ەدى»، - دەدى مينيستر.

ونىڭ ايتۋىنشا، ەكونوميكا وسىمىنە ءوندىرۋ جانە وڭدەۋ ونەركاسىپتەرى، قۇرىلىس پەن كولىك سالالارى ۇلەس قوسۋدا. 5 ايدىڭ ىشىندە اۋىل شارۋاشىلىعى 2,7, ساۋدا 2,6, بايلانىس 2,4 پروتسەنتكە ءوسىپ وتىر.

«ەكونوميكالىق ءوسىمنىڭ وڭ قارقىنىن قولداۋداعى باستى شارتتاردىڭ ءبىرى ينۆەستيتسيالىق بەلسەندىلىكتىڭ ارتۋى بولدى. اعىمداعى جىلدىڭ 5-ايىندا نەگىزگى كاپيتالداعى ينۆەستيتسيا كولەمى 5,2 پروتسەنتكە ءوستى»، - دەدى سۇلەيمەنوۆ.

 ءمينيستردىڭ ايتۋىنشا، ەلىمىزدىڭ سىرتقى ساۋدا اينالىمى سۇرانىستىڭ قايتا جاندانۋىنا جانە وسى جىلدىڭ قاڭتار- ءساۋىر ايلارىندا كەلىسىمشارت باعالارىنىڭ وسۋىنە بايلانىستى 25,7 پروتسەنتكە ارتقان. ونىڭ ىشىندە ەكسپورت 34, ال يمپورت 13,1 پروتسەنتتى قۇرايدى. «سىرتقى ساۋدا اينالىمىندا دا وڭ سالدو بايقالادى. ول 6,6 ميلليارد دوللاردان اسىپ، 1,7 ەسە ءوستى»، - دەدى ول.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى