الداعى 5 جىلدا ەلورداعا 3 ميلليون تۋريست كەلەدى - باقىت سۇلتانوۆ
«گازداندىرۋدىڭ ءبىرىنشى كەزەڭى اياسىندا 2020-جىلعا قاراي جىلۋ ەلەكتر ستانساسىنىڭ سۋ ىسىتۋ قازاندىعىن، سونىمەن قاتار شاعىن جەكەمەنشىك قازاندىقتار مەن تۇرعىن ءۇي الاپتارىن گازعا كوشىرۋ جوسپارلانىپ وتىر. بۇل زياندى قالدىقتار شىعارىندىلارىن 30 پايىزعا تومەندەتۋگە مۇمكىندىك بەرەدى»، - دەدى باقىت سۇلتانوۆ.
سونىمەن قاتار ول ەلوردانى دامىتۋدىڭ 2023-جىلعا دەيىنگى كەشەندى جوسپارى اياسىندا جاڭبىر سۋىنىڭ كوشەلەردە جينالىپ قالۋ پروبلەماسىن شەشۋ كوزدەلىپ وتىرعانىن ايتتى.
«2019-جىلى جەر بەتىندەگى جاڭبىر سۋىن كەدەرگىسىز بۇرۋدى قامتاماسىز ەتۋ جۇمىستارى جالعاسادى. 5 جىلدا سۋ جيناقتالاتىن جالپى الاڭ 13 مىڭنان 23 مىڭ گەكتارعا دەيىن ۇلعايدى. بۇل - 2030-جىلعا دەيىن يگەرىلۋى ءتيىس الاڭنىڭ 66,2 پايىزى»، - دەدى ول.
جالپى، اكىم سوزىنە قاراعاندا، 2019-2023-جىلدارعا ارنالعان استانا قالاسىنىڭ جيناقى قۇرىلىسى جونىندەگى كەشەندى جوسپاردى جۇزەگە اسىرۋعا 1,5 تريلليون تەڭگە كوزدەلگەن.
«بۇل قالانىڭ دا، ەلدىڭ دە ەكونوميكالىق وسىمىنە وڭ تيىمدىلىك بەرەدى. 5 جىلدا بيۋجەتكە 7 تريلليون تەڭگە تۇسەدى. سونىمەن قاتار، 6 تريلليون تەڭگە جەكە ينۆەستيتسيا تارتۋ جوسپارلانىپ وتىر. بۇل 300 مىڭ جاڭا جۇمىس ورنىن قۇرۋعا جانە 3 ميلليون تۋريست تارتۋعا مۇمكىندىك بەرەدى»، - دەدى قالا اكىمى.
