اناسىن اياۋسىز تەپكىلەگەن اقمولالىق 4 جىلعا سوتتالدى

ۆەدومستۆونىڭ مالىمەتىنشە، كوكشەتاۋ قالالىق سوتىندا «اناسىنىڭ دەنساۋلىعىنا اۋىر زيان كەلتىردى» دەگەن ايىپپەن جۇمىس ىستەمەيتىن، بۇرىن سوتتىلىعى بار ەر ادامعا قاتىستى قىسقارتىلعان تارتىپپەن (قىلمىستىق كودەكستىڭ 106-بابىنىڭ 1-بولىگى بويىنشا) قىلمىستىق ءىس قارالدى.

سوتتا بەلگىلى بولعانداي، 66 جاستاعى ايەل ۇيىندە قۇلاپ، جامباس سۇيەگى سىنعان. ونى ءوزىنىڭ ۇلى ماس كۇيىندە ۇرىپ- سوققان. ماس بولىپ ۇيىنە كەلگەن ول اۋىرىڭقىراپ جاتقان اناسىنان تۇرۋدى تالاپ ەتىپ، وعان ايقايلاعان. توسەكتەن ەدەنگە يتەرىپ، كەۋدەسىنەن جانە ىشىنەن تەپكەن. مۇنان سوڭ ۇيىقتاپ قالعان ۇلى بىرنەشە ساعاتتان كەيىن ويانىپ، اناسىنىڭ ىڭىرسىعانىن ەستىپ، جەدەل جاردەم شاقىرعان.

«زارداپ شەگۋشى جامباس سۇيەگىنىڭ جابىق سىنۋى دياگنوزىمەن اۋرۋحاناعا جاتقىزىلدى، كەۋدە جاراقاتى، التى قابىرعانىڭ سىنۋى، كەۋدە گەماتوماسى، جامباس سۇيەگىنىڭ سىنۋى، ءىشتىڭ جاراقاتى، كوكباۋىردىڭ جارىلۋى، ءىش قۋىسىندا قاننىڭ جينالۋى انىقتالدى. سوتتا ەر ادام كىناسىن مويىنداپ، وكىندى. جابىرلەنۋشى اناسى ونى كەشىردى، ۇلىنا ەشقانداي تالاپ قويمادى، ونى باس بوستاندىعىنان ايىرماۋدى ءوتىنىپ سۇرادى»، - دەدى ۆەدومستۆودان.

جازا تاعايىنداۋدا سوت سوتتالۋشىنىڭ قىلمىستىق جاۋاپتىلىعى مەن جازاسىن جەڭىلدەتەتىن ءمان- جايلاردى - ارەكەتىنە وكىنگەنىن، سونداي- اق اۋىرلاتاتىن ءمان- جايلاردى - ماس كۇيىندە قىلمىس جاساعانىن ەسكەردى.

«سوت ۇكىمىمەن ەر ادامعا 4 جىلعا باس بوستاندىعىنان ايىرۋ جازاسى تاعايىندالدى جانە 575398 تەڭگە سوماسىندا (جابىرلەنۋشىنى ەمدەۋگە شىعىندار) ماتەريالدىق زالال ءوندىرىلدى. سونىمەن قاتار، باس بوستاندىعىنان ايىرۋدى وتەۋ ورنى بويىنشا الكوگوليزمنەن ەمدەۋ بويىنشا مەديتسينالىق سيپاتتاعى ماجبۇرلەۋ شارالارى تاعايىندالدى. باس بوستاندىعىنان ايىرۋ جازاسى ەر ادامعا ءىس- ارەكەتتىڭ قوعامدىق قاۋىپتىلىگىنىڭ جوعارىلاۋىنا بايلانىستى تاعايىندالادى»، - دەپ تولىقتىردى ۆەدومستۆودان.

سوت ۇكىمى زاڭدى كۇشىنە ەنگەن جوق.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى