قازاقستانعا 4 مىڭعا جۋىق شەتەلدىك ەمدەلۋگە كەلگەن

ال قازاقستاندا 4 مىڭعا جۋىق شەتەلدىك ەم العان. بۇل تۋرالى قازاقپارات ساۋالىنا دەنساۋلىق ساقتاۋ مينيسترلىگى مەديتسينالىق كومەكتى ۇيىمداستىرۋ دەپارتامەنتىنەن ءمالىم ەتتى، دەپ حابارلايدى.

«2022 -جىلعى اقپاراتقا سايكەس، بيۋدجەت قاراجاتى ەسەبىنەن قازاقستاندىق 80 ناۋقاس، ونىڭ ىشىندە 71 بالا شەت ەلدەرگە ەمدەلۋگە جىبەرىلگەن. ەلدەر بويىنشا پاتسيەنتتەردىڭ كوپشىلىگى تۇركياعا ەمدەلۋگە جولداندى - 44 ادام جانە رەسەي فەدەراتسياسىنا - 13 ادام، گەرمانياعا – 9، ءۇندىستانعا – 7، بەلارۋسقا – 6، وڭتۇستىك كورەياعا - 1 ادام جىبەرىلدى»، - دەپ جازىلعان دەپارتامەنت حابارلاماسىندا.

سونداي- اق 2022 -جىلى ەلىمىزدىڭ مەديتسينالىق ۇيىمدارىندا 3884 شەتەلدىك پاتسيەنت ەمدەلگەن، ولاردىڭ ىشىندە % 85 (3303 ادام) شۇعىل جانە % 15 (581 ادام) جوسپارلى تارتىپپەن تۇسكەن.

«مەديتسينالىق تۋريزم سالاسىنىڭ اعىمداعى جاي- كۇيىن باعالاۋ قازاقستانعا ەمدەلۋگە كەلەتىن شەتەلدىك ازاماتتاردا نەيروحيرۋرگيا، كارديوحيرۋرگيا، ترانسپلانتولوگيا، رەپرودۋكتولوگيا (ە ك و)، ورتوپەديا جانە تراۆماتولوگيا، ستوماتولوگيا سۇرانىسقا يە ەكەنىن كورسەتەدى»، - دەدى مەديتسينالىق كومەكتى ۇيىمداستىرۋ دەپارتامەنتىنەن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى