كاتونقاراعايدا ورماننان شىققان ءورت 4 كۇننەن كەيىن تەجەلدى

ش ق و توتەنشە جاعدايلار دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، 18- شىلدەدە كاتونقاراعاي اۋدانىنىڭ بەرەل ورمانشىلىعىندا ءورت شىققان.

تاۋلى جەردە اعاشتار مەن ءشوپ جاندى.

«تەحنيكانىڭ جەتۋى قيىن تاۋلى، جارتاستى جەردى شارپىعان وتپەن كۇرەسۋ قيىنعا سوقتى. قۇتقارۋشىلار ءورتتىڭ ارى قاراي تارالۋىنا جول بەرمەس ءۇشىن تاۋ-تاستى كەزىپ، بار كۇش-جىگەرىمەن بيىككە كوتەرىلىپ وتىردى. سونىڭ ناتيجەسىندە، 22- شىلدەدە ساعات 11.00 دە ءورت تەجەلدى. ءتىلسىز جاۋدىڭ جالپى اۋدانى شامامەن 7 گەكتاردى قۇراعان»، - دەلىنگەن اقپاراتتا.

ءورتتى اۋىزدىقتاۋعا ورمانشىلار، ءورت سوندىرۋشىلەر مەن جەرگىلىكتى اتقارۋشى ورگانداردان 155 ادام مەن 13 تەحنيكا، قورعانىس مينيسترلىگىنىڭ، ش ق و اۆيابولىمشەسى مەن «قازاۆياورمانقورعاۋ» مەكەمەسىنىڭ 3 تىكۇشاعى جۇمىلدىرىلعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى