اقمولا وبلىسىنىڭ تۇرعىنى الاياقتىڭ كەسىرىنەن بانككە 4 ميلليون تەڭگە قارىز بولىپ قالدى
19- شىلدەدە استراحان اۋدانىنىڭ پوليتسيا بولىمىنە جەرگىلىكتى تۇرعىننان الاياقتىق دەرەگى تۋرالى ارىز كەلىپ ءتۇستى. ايەل بەلگىسىز تۇلعالاردىڭ وزىنە تيەسىلى 4 ميلليون تەڭگەنى يەمدەنىپ العانىن حابارلادى.
جابىرلەنۋشىنىڭ ايتۋىنشا، 11- شىلدەدە ونىڭ تەلەفونىنا بەلگىسىز ەر ادام قوڭىراۋ شالىپ، ءوزىن «ق ر بانكتەرىنىڭ ۇلتتىق قاۋىپسىزدىك قىزمەتىنىڭ قىزمەتكەرى» رەتىندە تانىستىرىپ، ايەلگە ونىڭ ساۋالنامالىق دەرەكتەرىن ايتىپ، الاياقتار ونىڭ اتىنا ق ر بانكتەرىنىڭ بىرىندە نەسيە راسىمدەگەنىنە سەندىرگەن. قاسكۇنەم بۇل نەسيەنى جويۋ ءۇشىن بانك قوسىمشاسىندا بەلگىلى ءبىر ارەكەتتەردى جۇرگىزۋ قاجەت دەپ تۇسىندىرگەن. زەينەتكەردىڭ موبيلدى قۇرىلعىسى ەسكى ۇلگىدە بولعاندىقتان، الاياق ءوزىنىڭ تۋىستارىنىڭ بىرەۋىنىڭ تەلەفونىنا قاشىقتان قولجەتكىزۋ قوسىمشاسىن جۇكتەۋدى تالاپ ەتەدى.
زەينەتكەر قىزىنىڭ تەلەفونىن پايدالانعان، كەيىن ول WhatsApp مەسسەندجەرىنىڭ بەينە بايلانىسى ارقىلى بۇكىل پروتسەستى باسقارعان. كەيىن قاسكۇنەمنىڭ باسشىلىعىمەن ونىڭ نومىرىنەن بىرنەشە بانكتەن نەسيە الۋدى توقتاتۋ (باس تارتۋى) تۋرالى سۋرەتتەر جىبەرىلدى، بۇل حابارلامالار بانكتەردىڭ وزدەرىنەن دە كەلگەن. ءبىراق ولاردىڭ بىرەۋىنەن نەسيەنى ماقۇلداۋ تۋرالى حابارلاما تۇسكەن. ۇلتتىق بانك حابارلاماسىندا ايەلگە ونىڭ اتىنا نەسيە رەسىمدەلگەنى جانە ولاردى بەلگىلەنبەگەن شوتقا اۋدارعانى تۋرالى ەسكەرتىلگەن.
وسى دەرەككە قاتىستى پوليتسيا بولىمىمەن قازاقستان رەسپۋبليكاسىنىڭ قىلمىستىق كودەكسىنىڭ 190-بابى 2-بولىگى («الاياقتىق») بويىنشا سوتالدى تەرگەۋ امالدارى باستالدى. وسى قىلمىستىق قۇقىق بۇزۋشىلىقتى جاساعان ادامداردى انىقتاۋعا باعىتتالعان بارلىق قاجەتتى ءىس-شارالار جۇرگىزىلىپ جاتىر.
