بيىل ەلوردادا 4 مىڭ ۇلەسكەر وتباسى كوپتەن كۇتكەن باسپاناسىنا كىرەدى - اكىم
اكىم بۇل جايىندا Instagram پاراقشاسىندا جازدى.
«قورعالجىن كۆارتالى»، «ميرنىي دوم»، «ارابي 2 - گرانيتنىي 2»، «زەرە-2»، «ارىستان»، «Future Home»، «سادوۆىە كۆارتالى»، «تەرريتوريا كومفورتا-1 2-كەزەك» تۇرعىن ءۇي كەشەندەرىنىڭ ۇلەسكەرلەرىمەن كەزدەستىم. ولارمەن بىرگە قۇرىلىس بارىسىن باقىلاۋدا ۇستايمىز. قۇرىلىسى ۇزاققا سوزىلعان عيماراتتاردىڭ جاعدايى ءارتۇرلى. ءبىر جەرىندە ءۇيدىڭ تەك جاقتاۋى عانا بار بولسا، ەندى ءبىر تۇسىندا تەك قازانشۇڭقىرى عانا قازىلعان. ماسەلەن «ارىستان» تۇرعىن ءۇي كەشەنىنىڭ قۇرىلىسى 11 جىل بۇرىن باستالعان. ال نىساندى وتكىزۋ كەزىندە تەك %20-30 عانا دايىن ەدى. «سادوۆىە كۆارتالى» تۇرعىن ءۇي كەشەنى 8 جىل بۇرىن پروبلەمالى دەپ تانىلسا، نىساندى وتكىزۋ كەزىندە ىرگەتاسى عانا بار بولاتىن»، - دەيدى ول.
جەڭىس قاسىمبەكتىڭ ايتۋىنشا، مىڭداعان ۇلەسكەر وتباسى باسپاناسىن كۇتىپ ءجۇر.
مەملەكەت باسشىسىنىڭ تاپسىرماسىنا سايكەس، قۇرىلىسى ۇزاققا سوزىلعان نىسانداردى اياقتاۋ بويىنشا اۋقىمدى جۇيەلى جۇمىس ءجۇرىپ جاتىر.
ءار ءۇي بويىنشا قادامدىق ءىس- شارالار جوسپارى بار.
«بيىل قۇرىلىسى ۇزاققا سوزىلعان 30 تۇرعىن ءۇي كەشەنىن اياقتاۋدى جوسپارلاپ وتىرمىز. بۇل - شامامەن 4 مىڭ ۇلەسكەر وتباسى. ولاردىڭ ءبىر بولىگىن اياقتادىق. ۇلەسكەرلەر كەزدەسۋدە اباتتاندىرۋ، ينجەنەرلىك جەلىلەر سالۋ جانە باسقا ماسەلەلەردى كوتەرەدى. ءبىز ءوز تاراپىمىزدان مەردىگەرلەرگە بارىنشا كومەك كورسەتەمىز. دەگەنمەن ولاردىڭ ۇلەسكەرلەردى جالعان ۋادەمەن ۇمىتتەندىرۋىنە جول بەرمەيمىز. ءبىزدىڭ مىندەتىمىز - ۇزاق قۇرىلىستاردى اياقتاۋ جانە ۇلەسكەرلەرگە پاتەر كىلتىن تاپسىرۋ» ، - دەپ اتاپ ءوتتى جەڭىس قاسىمبەك.
رەداكتور:
جانات قاپالبايەۆا
