اقتوبەدە 4 جاسار بالانى تۇلكى تىستەپ الدى

وقيعا بۇگىن قوبدا اۋدانىنىڭ جارىق اۋىلىنداعى وزەن ماڭىندا بولدى. بالا اتا-اناسىمەن بىرگە جۇرگەن.

بالا قوبدا اۋداندىق اۋرۋحاناسىنا جەتكىزىلدى. ونىڭ ماڭدايى، قاباعى مەن مۇرنى تىستەلگەن. وڭ جاق جامباسى، اياعى دا جارالانعان. بالانى تۇلكى تىستەپ العان ەكەن. ولار تۇلكىنى ۇستاپ، ءولتىرىپ تاستاعان. قازىرگى كەزدە بالانىڭ جاعدايى جاقسى. دارىگەرلەر جاراسىن تىگىپ، تاڭىپ بەردى. سونىمەن بىرگە، انتيرابيالىق ۆاكسينا ەگىلدى. اقتوبە وبلىستىق مەديتسينا ورتالىعىنداعى بالالار تراۆماتولوگى تەلەفون ارقىلى حابارلاسىپ، كەڭەس بەردى. حاباردى شۇعىل تۇردە ەپيدەميولوگ ماماندارعا جەتكىزدىك، - دەدى وبلىستىق دەنساۋلىق ساقتاۋ باسقارماسىنىڭ باسشىسى رۇستەم يسايەۆ.

ەسكە سالساق، العا اۋدانىنا قاراستى مارجانبۇلاق اۋىلىنداعى شارۋا قوجالىعىندا ءىرى قارادان قاراسان اۋرۋى انىقتالدى.

«العا اۋدانىنىڭ مارجانبۇلاق اۋىلدىق وكرۋگىنىڭ «سارىم» شارۋا قوجالىعىنداعى ءىرى قارا مالداردىڭ اراسىندا قاراسان جۇقپالى اۋرۋىنىڭ انىقتالۋىنا بايلانىستى شەكتەۋ ءىس- شارالارى بەلگىلەنسىن»، - دەلىنگەن اشىق ن ق ا پورتالىندا جاريالانعان مارجانبۇلاق وكرۋگىنىڭ اكىمى مەيىرجان اسقار ۇلىنىڭ شەشىم-جوباسىندا.

ءمالىم بولعانداي، 9-ماۋسىم كۇنى اتالعان قوجالىقتاعى 1,5 جاسار ءىرى قارانىڭ ولەكسەسىن زەرتتەۋ ناتيجەسىندە ودان قاراسان انىقتالعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى