استاناداعى 4 جەرلەۋ ورنىنا رەسمي مارتەبە بەرىلەدى
بۇل تۋرالى نۇرا اۋدانىنىڭ اكىمى ءجۇسىپ جۇماعۇلوۆ ايتتى، دەپ حابارلايدى قازاقپارات اۋدان اكىمى اپپاراتىنىڭ باسپا ءسوز قىزمەتىنە سىلتەمە جاساپ.
«جەرلەۋ ورىندارىنا رەسمي مارتەبە بەرۋدىڭ ماڭىزدىلىعىن تۇسىنەمىز. اتا-بابالاردىڭ رۋحىن قۇرمەتتەۋ - ءبىزدىڭ مىندەتىمىز. كوپجىلدىق ماسەلەنى شەشۋ ءۇشىن تاريحي جەرلەۋدىڭ ناقتى شەكارالارىن انىقتاۋ پروتسەسى باستالدى. توپوگرافيالىق ءتۇسىرىلىم بىزگە قانداي ۋچاسكەلەردى قورشاپ، رەتكە كەلتىرۋ كەرەكتىگىن تۇسىنۋگە مۇمكىندىك بەرەدى. سونداي-اق، جىل سوڭىنا دەيىن بارلىق دەرەكتەردى جيناعاننان كەيىن جەرلەۋ ورىندارى رەسمي مارتەبەگە يە بولادى»، - دەدى ءجۇسىپ جۇماعۇلوۆ.
بەلسەندىلەر مەن ۇرپاقتاردىڭ ايتۋىنشا، جەرلەۋدى تانۋ ماسەلەسى بىرنەشە ونداعان جىلدار بويى كوتەرىلىپ كەلەدى.
«اۋماقتاردى اباتتاندىرۋ جانە وسى زيراتتارعا مارتەبە بەرۋ ماسەلەسىمەن ءبىزدىڭ اقساقالدارىمىز 20 جىلدان استام ۋاقىت اينالىسىپ كەلەدى. بۇل سۇراق اكەمنىڭ كوزى ءتىرى كەزىندە دە الاڭداتقان. اقىرىندا، ماسەلە ءوزىنىڭ قيسىندى قورىتىندىسىن تاپتى»، - دەدى باستاماشىل توپتىڭ مۇشەسى اقتايلاق ىبىراي.
ولكە تانۋشى لەونيد سەمەنوۆتىڭ زەرتتەۋلەرى ارقاسىندا «تالدىكول»، «باشان» جانە «ومار» جەرلەۋ ورىندارى تۋرالى ⅩⅩ عاسىردىڭ باسىنان بەرى بەلگىلى.
Fading TSE قالالىق زەرتتەۋ پلاتفورماسىنىڭ جەتەكشىسى، زەرتتەۋشى-ساۋلەتشى تەمىرتاس ىسقاقوۆتىڭ ايتۋىنشا، بۇل قابىرلەرگە جەرلەۋ كەم دەگەندە 1890-1960-جىلدار ارالىعىندا باستالعان. ءبىراق، 1960-جىلدارى ۇلكەن تالدىكول كولىنىڭ اعىندى سۋلاردى جيناقتاۋشى- بۋلاندىرعىشقا اينالۋىنا بايلانىستى اۋىل تۇرعىندارى قونىستاندى.
ايتا كەتسەك، «تالدىكول» زيراتىندا جەرلەنگەن ادامداردىڭ ۇرپاقتارى جەرلەۋ ورىندارىن تازالادى. ءىس-شاراعا نۇرا اۋدانى اكىمدىگىنىڭ قىزمەتكەرلەرى دە قاتىستى.
