ادامدى تەز قارتايتاتىن 4 سۋسىن

ادامنىڭ بەت-جۇزىنە، تەز قارتايۋىنا كوپ نارسە اسەر ەتەدى: كۇيزەلىس، ناشار جۇمىس ورنى (كۇننىڭ استى، جەل سوعاتىن جەر، ونەركاسىپ)، دۇرىس ۇيىقتاماۋ، دۇرىس تاماقتانباۋ. الدىڭعى ايتىلعان سەبەپتەر تۇسىنىكتى.

ال دۇرىس تاماقتانباۋعا نەلەر جاتادى دەگەنگە كەلسەك. ەڭ الدىمەن قانتى كوپ تاعامدار، رافيناتتالعان كومىرسۋلار، كونسەرۆانت پەن قانىقپاعان مايى كوپ (فاست-فۋد) تاعامداردى ءجيى تۇتىنۋ ادامنىڭ بەت-جۇزىنە تەز ءاجىم تۇسىرەدى.

بۇلاردىڭ اراسىندا، اسىرەسە، سۋسىنداردىڭ تيگىزەتىن زيانى بولەك. The Health Site سايتىنىڭ جازۋىنشا، مىنا سۋسىندار ادامنىڭ تەز قارتايتاتىن كورىنەدى.

گازدالعان سۋسىندار. مامانداردىڭ ايتۋىنشا، گازدالعان سۋسىن - سۋسىنداردىڭ ىشىندەگى ادامعا ەڭ زيانى. گازدالعان سۋسىندا قانت وتە كوپ. ونى كوپ ىشكەن، ءجيى ىشكەن ادامنىڭ بەتىندە ءاجىم ەرتە شىعادى. قاندا حولەستەريندى كوبەيتىپ جىبەرەدى دە، سودان ادام ەرتە جۇرەك اۋرۋىنا شالدىعۋى مۇمكىن.

وڭدەلگەن جەمىس شىرىنى. كادىمگى دۇكەننەن ساتىپ الىپ ءىشىپ جۇرگەن جەمىس شىرىندارىنىڭ كوبى - وندىرىستىك وڭدەۋدەن وتكەن سۋسىندار. مۇنداي سۋسىنداردىڭ ىشىندە شىن مانىندە جەمىستىڭ ءوزى جوق. سەبەبى وندىرۋشىلەر جەمىستىڭ ءبىر بولشەگىن عانا الىپ، سودان سۋسىن جاسايدى. جەمىستىڭ ەڭ پايدالى بولىگى - جاسۇنىق وڭدەۋدەن وتپەيدى. دەمەك جەمىس شىرىنىندا ناعىز پايدالى زات جوق دەگەن ءسوز. ونىڭ ورنىنا قانت پەن كونسەرۆانت كوپ بولادى.

جاسۇنىق ادامنىڭ ىشەگىنە پايدالى. «جاقسى ميكروفلورانى» كوبەيتەدى. ال «جاقسى ميكروفلورا» ادامنىڭ ءتانىن جاس كورسەتەدى.

ىشىمدىك. ونىڭ زيانى ايتپاسا دا تۇسىنىكتى. ۆينو مەن سىرانىڭ ءوزى زيان. ىشىمدىك ادام اعزاسىندا كوللاگەندەردى (اقۋىزدىڭ ءتۇرى) جويىپ جىبەرەدى. ال كوللاگەن ادام تەرىسىنە ءنار مەن قورەك بەرەدى. تەرى نارىنەن ايىرىلعان سوڭ، تەز ءاجىم باسادى.

جاساندى ءتاتتى قوسىلعان سۋسىندار. ءتاتتى ادامنىڭ باستى يممۋن جۇيەسى ءارى بۇكىل كوڭىل-كۇيى مەن دەنساۋلىعىنا اسەر ەتەتىن - ىشەكتەگى ميكروفلورانى وزگەرتىپ جىبەرەدى. ياعني، جاعىمسىز باكتەريالاردى كوبەيتىپ، جاعىمدى باكتەريانى «ولتىرەدى». جاعىمدى ميكروفلورا - ادام ءتانىنىڭ باستى كورسەتكىشى.

massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى