پارادزيۋدودان الەم چەمپيوناتىنىڭ ءبىرىنشى كۇنىندە ەل قورجىنىنا 4 مەدال ءتۇستى

باكۋدە وتكەن پارا دزيۋدودان الەم چەمپيوناتىنىڭ ءبىرىنشى كۇنىندە قازاقستان قورجىنىنا 2 «التىن» جانە 2 «قولا» جۇلدە ءتۇستى.

قازاقستانعا العاشقى التىندى J-2 -48 ك گ سالماق دارەجەسىندە ونەر كورسەتكەن اقمارال ناۋاتبەك سىيلادى.

اقمارال فينالدا فرانسيانىڭ سپورتشىسى اۋريەرەس مارتينەت ساندرينمەن كەزدەسىپ، يپپونمەن تازا جەڭىسكە جەتتى.

ەلىمىزگە ەكىنشى التىندى 73 كەلىگە دەيىنگى سالماق دارەجەسىندە سىنعا تۇسكەن ەرعالي شامەي اكەلدى. ول فينالدىق بەلدەسۋدە نەمىس سپورتشىسى ساسس لەننارتتى 1:0 ۇپايىمەن جەڭىپ، ءبىرىنشى ورىنعا يە بولدى.

ال قازاقستاندىق پارادزيۋدوشىلار دايانا فەدوسوۆا ( -57 ك گ) مەن ولجاس ورازالى ۇلى (-73 ك گ) الەم چەمپيوناتىنىڭ قولا جۇلدەگەرلەرى اتاندى.

ايتا كەتەيىك، پارادزيۋدودان الەم چەمپيوناتى باكۋدە 8-11-قاراشا ارالىعىندا وتۋدە. جارىستا 41 مەملەكەتتەن 270 سپورتشى سىنعا تۇسەدى.

بايراقتى باسەكەدە قازاقستان ۇلتتىق قۇراماسىنان 18 سپورتشى ەل نامىسىن قورعايدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى