4 پايىزدىق اۆتونەسيە: ءساۋىر ايىنىڭ سوڭىندا شەشىم شىعادى
«ءبىز ءوزىمىزدىڭ ءاۆتووندىرىستى باعدارعا الاتىنىمىزدى بىلەسىز. مەنىڭ نازارىم وتاندىق كولىكتەردە. قازىر ولاردىڭ باعاسى تۇراقتى بولۋى ءۇشىن بارلىق شارالاردى قابىلداپ جاتىرمىز. جەڭىلدەتىلگەن اۆتونەسيە بويىنشا 10 ميلليون تەڭگەگە دەيىن نەسيە بەرىلەدى دەپ توپشىلايمىز. ءبىراق ودان قىمباتقا ساتىپ الۋىڭىزعا دا بولادى. ارتىعىن ءوزىڭىز تولەيسىز»، - دەدى قايىربەك وسكەنبايەۆ.
سونداي- اق ول %4 دىق اۆتونەسيە بويىنشا ءساۋىر ايىنىڭ اياعىنا دەيىن شەشىم شىعاتىنىن ايتتى.
«قازاقستاندىق اۆتوموبيلدەردىڭ باعاسىنىڭ ايتارلىقتاي ءوسۋىن جوسپارلاپ وتىرعان جوقپىز. ءبىراق باعالاردىڭ كۇن سايىن قۇبىلىپ تۇرعانىن ايتۋ كەرەك. باعان كۇن ساناپ ارتىپ جاتىر. ەرتەڭ قانداي بولاتىنىن ايتۋ قيىن. ءبىراق كەيبىر پوزيتسيالار بويىنشا تومەندەۋ تەندەنتسياسى دا بار»، - دەدى ۆەدومستۆو باسشىسى.
