الماتى وبلىسىندا 4 جىل بۇرىن ءبىر ءۇيىر جىلقى ۇرلاعان بارىمتاشى ۇستالدى
«مال ۇرلىعى» جەدەل- الدىن الۋ ءىس- شاراسى بارىسىندا الماتى وبلىسى ەڭبەكشىقازاق اۋدانى پ ب ج پ ب قىزمەتكەرلەرى اشىبۇلاق اۋىلىنىڭ 53 جاستاعى تۇرعىنىن ۇستادى. ول ۇسىنىلعان دالەلدەرمەن اشكەرەلەنىپ، 2017 -جىلدىڭ ماۋسىم ايىندا ەڭبەكشىقازاق اۋدانى اشىبۇلاق اۋىلىنىڭ جانىنداعى جايىلىمنان جىلقى ۇرلاعانىن مويىندادى.
كۇدىكتى 73 جاستاعى جەرگىلىكتى تۇرعىنعا تيەسىلى جالپى سوماسى 1050000 تەڭگەگە باعالانعان ءبىر جارىم جاستاعى 7 جىلقىنى قولدى قىلعان. ونىڭ ۇيىنەن جىلقىنىڭ ۇشەۋى تابىلىپ، يەسىنە قايتارىلدى. قالعان 4 جىلقى مال بازارىندا ساتىلعان.
«وسىعان بايلانىستى ول 600000 تەڭگە سوماسىنداعى اقشالاي قاراجات تۇرىندەگى ماتەريالدىق شىعىندى وتەۋگە كەلىستى. جابىرلەنۋشى پوليتسەيلەرگە قىلمىستى اشقانى ءۇشىن العىس ايتتى. سوتقا دەيىنگى تەرگەۋ جۇرگىزىلۋدە، ق ر ق ى ج ك 201-بابىنا سايكەس وزگە دە اقپارات جاريا ەتىلمەيدى»، - دەلىنگەن الماتى وبلىستىق پوليتسيا دەپارتامەنتى باسپا ءسوز قىزمەتىنىڭ حابارلاماسىندا.
اۆتور: سامال قابىشيەۆا
