الماتى وبلىسىندا «اۋىل» پارتياسىنان سايلانعان دەپۋتات 4 وتباسىنا باسپانا سىيلادى
«اۋىل» پارتياسى پانفيلوۆ اۋداندىق ءماسليحاتىنىڭ دەپۋتاتى، كاسىپكەر ولجاس جاپارقۇل ءتورت جانۇياعا باسپانا كىلتىن تاپسىردى.
«ەرنار» شارۋا قوجالىعىنا جەتەكشىلىك ەتەتىن كاسىپكەر بۇعان دەيىن 6 وتباسىنا ءۇي اپەرگەن بولاتىن. بۇل وتباسىلاردىڭ بارلىعى - اتالعان قوجالىقتىڭ جۇمىسشىلارى. 5 بولمەلى ءبىر ءۇي 114 شارشى مەتر اۋمىقتى الىپ جاتىر. ءىشى تولىق جابدىقتالىپ، جەر تەلىمدەرىمەن قوس بەرىلگەن. كەلىسىمشارتپەن جۇمىس ىستەيتىن قوجالىق قىزمەتكەرلەرىنە قوسىمشا جالاقى دا تولەنەدى. «ءبىزدىڭ «اۋىل» پارتياسى ەل تاۋەلسىزدىگىنىڭ 30 جىلدىعىنا وراي 30 يگى ءىس باستادى. سول شارا ءبىزدىڭ اۋداننان باستالعانىنا قۋانىشتىمىن. بۇل وتباسى ءبىزدىڭ قوجالىقتىڭ قىزمەتكەرلەرى. بالا-شاعالارى بار. باسپاناسىز جۇرگەن. بۇگىن كوپپەن بىرگە ءۇيدىڭ كىلتىن تاپسىردىق. بۇنداي ىستەر ءالى دە جالعاسىن تاباتىن بولماق»، - دەيدى ءۇي سىيلاعان ازامات ولجاس جاپارقۇل.
قازىرگى ساتتە شارۋا قوجالىعىندا 126 قىزمەتكەر بار. اگرارلىق جانە مال شارۋاشىلىعىمەن اينالىساتىن قوجالىق باسشىسى بۇدان بولەك اۋدانداعى كوپبالالى جانە از قامتىلعان وتباسىلارعا تۇراقتى قول ۇشىن بەرىپ كەلەدى.
جالپى پانفيلوۆ اۋدانىندا 4058 تۇرعىن باسپانا كەزەگىندە تۇر. جىل سوڭىنا قاراي تاۋەلسىزدىكتىڭ 30 جىلدىعىنا وراي نۇركەنت اۋىلىندا 120 وتباسىنا باسپانا كىلتى تاپسىرىلماق.
