ب ۇ ۇ باس حاتشىسى جاڭا شتامداردىڭ قاۋپى تۋرالى ەسكەرتتى: 4 ميلليون ادام كوز جۇمدى
بۇل تۋرالى سارسەنبىدە ب ۇ ۇ باس حاتشىسى انتونيۋ گۋتەرريش مالىمدەدى، دەپ حابارلايدى قازاقپارات ب ۇ ۇ جاڭالىقتارىنا سىلتەمە جاساپ.
«بۇگىن الەمدە COVID-19 پاندەمياسىنىڭ اياسىندا تاعى ءبىر قايعىلى رەكورد ورناتىلدى. وسى ۆيرۋستىڭ سالدارىنان ءتورت ميلليون ادام قايتىس بولدى»، - دەدى ب ۇ ۇ باس حاتشىسى.
«ەگەر ۆيرۋس ورمان ءورتى سياقتى تارالسا، كوپتەگەن ميلليونداعان ادامدارعا قاۋىپ تونەدى. ول نەعۇرلىم كوپ تارالسا، سوعۇرلىم جۇقپالى، ولىمگە اكەلەتىن جانە قولدانىستاعى ۆاكسينالاردىڭ تيىمدىلىگى ازايتاتىن شتامدار پايدا بولادى»، - دەدى دۇنيەجۇزىلىك ۇيىمنىڭ باسشىسى.
گۋتەرريش سونىمەن قاتار جاھاندىق ۆاكسيناتسيا جوسپارىن جۇزەگە اسىرۋ ءۇشىن توتەنشە جۇمىس توبىن قۇرۋعا شاقىردى.
باس حاتشىنىڭ ۇسىنىسىنا سايكەس، وعان ۆاكسينالار شىعارۋعا مۇمكىندىگى بار بارلىق ەلدەر، سونداي-اق دۇنيەجۇزىلىك دەنساۋلىق ساقتاۋ ۇيىمى، ۆاكسينالار جونىندەگى جاھاندىق اليانس جانە ءتيىستى فارماتسيەۆتيكالىق كومپانيالارمەن جانە وندىرۋشىلەرمەن جۇمىس ىستەۋگە قابىلەتتى حالىقارالىق قارجى ينستيتۋتتارى كىرۋى كەرەك.
