باتىس قازاقستاندا 4 جۇكتى ايەل كوروناۆيرۋس ىندەتىن جۇقتىرعان

ب ق و دەنساۋلىق ساقتاۋ باسقارماسى باسشىسىنىڭ ورىنباسارى گۇلنار ءابدىراحمانوۆانىڭ وڭىرلىك كوممۋنيكاتسيالار قىزمەتى الاڭىندا وتكەن بريفينگتە ءمالىم ەتكەندەي، قازىرگى تاڭدا ولاردىڭ ەكەۋى وبلىستىق جۇقپالى اۋرۋلار اۋرۋحاناسىندا ەمدەلۋدە.

قالعان ەكەۋى دارىگەرلەردىڭ باقىلاۋىندا. سونداي-اق ىندەت وقۋشىلار اراسىندا دا تىركەلىپ وتىر. 12 بالانىڭ تورتەۋى قىركۇيەكتە، قالعان 8-قازان ايىندا وتباسى مۇشەلەرىنەن جۇقتىرعان. ونىڭ بەسەۋى جازىلىپ شىقتى، جەتەۋىندە اۋرۋ بەلگىلەرىنسىز وتۋدە.

باسقارما باسشىسى ورىنباسارىنىڭ سوزىنە قاراعاندا، كۇنى بۇگىنگە دەيىن وبلىستا 7064 ادامنان كوروناۆيرۋس تابىلسا، سونىڭ 6846 سى ەمدەلىپ شىقتى. 121 ادام كوز جۇمدى. پنەۆمونياعا شالدىققان 139 ناۋقاستىڭ 92 سى ستاتسيوناردا، 47 سى امبۋلاتورلىق ەم الۋدا. وبلىستا 185 توسەكتىك ءتورت كارانتيندىك ستاتسيوناردا 41 ادام بولسا، 333 توسەكتىك التى جۇقپالى اۋرۋلار ستاتسيونارىندا 103 ادام ەمدەلۋدە. 26 توسەكتىك جانساقتاۋ بولىمىندە 7 ادام جاتىر. وتتەگى كونسەنتراتورىنا 2 ادام قوسىلعان.

«2044 توسەكتىك رەزەرۆتىك ورىندار ازىرلەنسە، سونىڭ 1269 ى جۇقپالى اۋرۋلار، 775 ى كارانتيندىك ستاتسيوناردا. وعان قوسا «جۇلدىز» شاعىناۋدانىندا قۇنى 7,2 ميلليارد تەڭگەنى قۇرايتىن، 200 توسەكتىك مودۋلدىك اۋرۋحانا قۇرىلىسى جۇرگىزىلۋدە. قازىرگى تاڭدا جۇمىستىڭ 85 پايىزى ورىندالعان. وسى ايدىڭ اياعىندا پايدالانۋعا بەرۋ كوزدەلۋدە. وبلىستىق جۇقپالى اۋرۋلار اۋرۋحاناسىنان ەرەكشەلىگى، وندا كومپيۋتەرلىك توموگرافيا بولادى. دياگنوستيكا دا جۇرگىزىلەدى. قاجەتتى قۇرال- جابدىقتار ورناتىلىپ، كادرلار دا ىرىكتەلۋدە»، دەدى گ. ءابدىراحمانوۆا.

ەسكە سالا كەتەيىك، بۇدان بۇرىن ب ق و- دا اۋىل اكىمى كارانتينگە قاراماستان ۇلىنىڭ ۇيلەنۋ تويىن وتكىزگەنىن، ءبىر اپتا ىشىندە 1500 گە جۋىق جۇرگىزۋشىنىڭ شەكارادان وتكەنىن جازعان بولاتىنبىز.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى