4 - قاراشا. قازاقپارات كۇنتىزبەسى
ەستە قالار وقيعالار
1952 -جىلى «قازاقستان ءمۇعالىمى» اپتالىق گازەتىنىڭ العاشقى سانى جارىق كوردى. باسىلىم باستاۋىش جانە ورتا مەكتەپتەردىڭ مۇعالىمدەرى مەن پەداگوگيكالىق جوعارى وقۋ ورىندارىنىڭ ستۋدەنتتەرىنە ارنالعان. ايىنا ەكى رەت شىعادى.
1977 -جىلى قازاق كارديولوگيالىق عىلىمي- زەرتتەۋ ينستيتۋتى قۇرىلدى. 2001 -جىلى ينستيتۋت كارديولوگيا جانە ىشكى اۋرۋلار ع ز ي بولىپ وزگەرتىلدى.
2010 -جىلدان ق ر دەنساۋلىق ساقتاۋ مينيسترلىگىنىڭ «كارديولوگيا جانە ىشكى اۋرۋلار ع ز ي» ر م ك بولىپ قايتا قۇرىلدى.
1995 -جىلى ترانسازيالىق تەمىر جولدىڭ شۋ ستانساسىنان ارىس ستانساسىنا دەيىنگى 582 كيلومەترلىك ەلەكتر جەلىسىنە قوسىلعان ۋچاسكەسى اشىلدى. ول ىسكە قوسىلعان سوڭ رەسپۋبليكانىڭ سولتۇستىك جانە وڭتۇستىك ايماقتارىن بايلانىستىراتىن ترانس قازاقستاندىق تەمىر جولدىڭ ەلەكتريفيكاتسياسى اياقتالدى.
2000 -جىلى استانا قالاسىنىڭ ىرگەسىندەگى قابانباي باتىر اۋىلىنىڭ ماڭىندا قولباسشى، باتىر قابانباي كەسەنەسىنىڭ اشىلۋ سالتاناتى ءوتتى.
2000 -جىلى قازاقستان ەسىرتكىگە قارسى كۇرەس جونىندەگى كوميسسيانىڭ (ك ق ك) مۇشەسى بولدى. ك ق ك 1946 -جىلى ب ۇ ۇ ەكونوميكالىق جانە الەۋمەتتىك كەڭەسىنىڭ (ECOSOC) شەشىمىمەن قۇرىلدى جانە بۇۇ جۇيەسىندەگى ورتالىق ورگان سانالادى.
2012 -جىلى برازيليادا سەلارون باسپالداعىندا ءارتۇرلى ەلدەردىڭ كوپتەگەن پليتكالارىنىڭ ىشىندە Kazakhstan جازۋى پايدا بولدى. قازاقستاندىق ۆەرونيكا يۆانوۆا رەسپۋبليكامىزدىڭ PR- كامپانياسىنا ءوز ۇلەسىن قوستى.
2012 -جىلى قازاقستان سكريپكا مەكتەبىنىڭ نەگىزىن قالاۋشى، شىعارماشىلىق مۇراسى قازاقستاننىڭ مۋزىكا ونەرىنىڭ التىن قورىنا ەنگىزىلگەن ايتكەش تولعانبايەۆتى ەسكە الۋعا ارنالعان 7 سەريالى «مۋزىكانت» دەرەكتى بەينەفيلمى ءتۇسىرىلدى.
2015 -جىلى الماتىدا سلوۆاكيا رەسپۋبليكاسىنىڭ قۇرمەتتى كونسۋلدىعىنىڭ رەسمي اشىلۋى ءوتتى. ينۆەستيتسيالىق توپتىڭ يەسى، قازاقستان ازاماتى مارات سابالاقوۆ سلوۆاك رەسپۋبليكاسىنىڭ الماتىداعى قۇرمەتتى كونسۋلى اتاندى. بۇل لاۋازىمداعى باستى ماقساتى ەكونوميكا، ساۋدا، مادەنيەت، عىلىم جانە ءبىلىم سالالارىنداعى ەكى ەل اراسىنداعى قاتىناستاردى نىعايتۋ دەپ اتادى.
2016 -جىلى ق ر ۇلتتىق بانكى «ۇلى دالانىڭ قازىنالارى» سەرياسىمەن نومينالى 500 تەڭگەلىك «proof» ساپاسىنداعى «كۇلتەگىن» ەستەلىك كۇمىس مونەتالارىن اينالىمعا شىعاردى.
2016 -جىلى «قازاق ەلى» اتتى قازاق مۋلتيپليكاتسياسى تاريحىنداعى تۇڭعىش تاريحي تولىقمەتراجدى انيماتسيالىق ءفيلمى بارسەلونادا (يسپانيا) وتەتىن ازيا فيلمدەرى كينوفەستيۆالىنىڭ (Asian Film Festival) نەگىزگى بايقاۋىنا ىرىكتەلىپ الىندى. ق ر مادەنيەت جانە سپورت مينيسترلىگى تاپسىرىسى بويىنشا «ساق- دالا» ج ش س تۇسىرگەن «قازاق ەلى» انيماتسيالىق فيلمى بولاشاق حاندار - جانىبەك پەن كەرەيدىڭ بالالىق شاعى مەن ەسەيۋ جىلدارى تۋرالى باياندايدى.
2017 -جىلى ب ۇ ۇ قاۋىپسىزدىك كەڭەسىنىڭ اياسىندا وتكىزىلگەن گۋمانيتارلىق جانە مەديتسينالىق پەرسونالدى قورعاۋ جونىندەگى مينيسترلەر دەڭگەيىندەگى ءىس- شارا اياسىندا قازاقستان مەديتسينالىق جانە گۋمانيتارلىق پەرسونالدى، قاقتىعىس ايماقتارىنداعى مەديتسينالىق ينفراقۇرىلىمدى قورعاۋدى كۇشەيتۋ تۋرالى ءبىرقاتار ۇسىنىستاردان تۇراتىن ساياسي دەكلاراتسياعا قول قويدى.
2019 -جىلى قازاقستان رەسپۋبليكاسىنىڭ كونستيتۋتسيالىق كەڭەسى الداعى ەكى جىلعا ارنالعان ازيالىق كونستيتۋتسيالىق سوتتار جانە وعان تەڭەستىرىلگەن ينستيتۋتتار قاۋىمداستىعىنىڭ ءتوراعاسى بولىپ سايلاندى. قازاقستان رەسپۋبليكاسى كونستيتۋتسيالىق كەڭەسىنىڭ ءتوراعاسى قايرات ءمامي ازيا ەلدەرى كونستيتۋتسيالىق باقىلاۋ ورگاندارىنىڭ كەزدەسۋىنە جانە يندونەزيادا وتكەن باسقا دا ءىس- شارالارعا قاتىستى.
