سولتۇستىك قازاقستان وبلىسىندا 4 مىڭ ءتۇرلى ءيىس ساقتالعان ودورولوگيا بازاسى بار
س ق و پوليتسيا دەپارتامەنتى باسپا ءسوز قىزمەتىنىڭ مالىمەتىنشە، ودورولوگيالىق بازا جەدەل- كريميناليستىك باسقارمادا قۇرىلعان.
«ودورولوگيا - ءيىس تۋرالى عىلىم. ول بىرنەشە باعىتقا بولىنگەن: مەديتسينالىق، پسيحولوگيالىق جانە كريميناليستيكالىق. ءتارتىپ ساقشىلارى نەگىزىنەن وسى ءۇشىنشى باعىتىمەن جۇمىس ىستەيدى. پوليتسەيلەر بۇل بازانى 2009 -جىلى قۇردى. قازىر مۇندا 4025 ءتۇرلى ءيىس ساقتالعان. 197 زەرتتەۋ جۇرگىزىلىپ، بارلىعىندا وڭ ناتيجە الىندى. قازىر مۇنداي زەرتتەۋلەر جۇرگىزىلمەيدى. ويتكەنى ءيىسشىل يتتەر قارتايىپ، ولاردىڭ ورنىنا باسقالارىن الدىق»، - دەيدى س ق و پ د جەدەل- كريميناليستىك باسقارمانىڭ باسشىسى يگور سەمەنوۆ.
قازىر ودورولوگيالىق بازا جانىنان قۇرىلعان زەرتحانادا ەكى ءيت ۇيرەتىلىپ جاتىر. ولار ەكى جاسار ورىس سپانيەلى دەيزي مەن الفا اتتى ءۇش جاستاعى نەمىس وۆچاركاسى. يتتەر كريميناليست تالعات ءمۇسىپوۆ پەن ينسپەكتور- كينولوگ نيكولاي جەلەزنوۆتىڭ قامقورلىعىندا. بىلتىر ولار الماتىداعى ىشكى ىستەر مينيسترلىگىنىڭ كينولوگيالىق ورتالىعىندا بىلىمدەرىن شىڭداپ كەلدى. ءيىسشىل يتتەر دايىن بولعاننان كەيىن ولاردى قىلمىس ورنىندا بيودەتەكتور رەتىندە قولداناتىن بولادى.
مامانداردىڭ ايتۋىنشا، جىل باسىنان قىلمىستاردى اشۋعا ءيىسشىل يتتەر شامامەن 500 رەت قولدانىلعان. ونىڭ 163- ءى ەسىرتكى قىلمىسىنا قاتىستى. ناتيجەسىندە 323 كەلى ءتۇرلى ەسىرتكى زاتتارى تاركىلەندى. سونداي- اق پوليتسەيلەر يتتەردى قولدانۋ ارقىلى 18 توناۋدى جانە 354 ۇرلىقتى اشتى.
اۆتور: اقەركە داۋرەنبەك قىزى
