قازاقستاندىق بەلگىلى شاڭعىشى سپورتتان 4 جىلعا شەتتەتىلدى
بۇل تۋرالى قازاقپارات فەدەراتسيانىڭ سايتىنا سىلتەمە جاساپ حابارلايدى.
«دوپينگكە قارسى تالاپتاردى بۇزعانى ءۇشىن 2020-جىلعى 2- قاڭتارداعى شەشىممەن ەستوندىق شاڭعىشىلار كارەلا تامميارۆا، اندرەاسا ۆەرەپالۋ، جاتتىقتىرۋشى ماتي الاۆەرۋ جانە قازاقستاندىق الەكسەي پولتورانين ءتورت جىلعا سپورتتان شەتتەتىلدى»، - دەلىنگەن حابارلامادا.
ەسكە سالا كەتسەك، وتكەن جىلى 27- اقپاندا نەمىس جۋرناليسى حايو زەپپەلت تۋيتتەردە اۋستريانىڭ زەەفەلدە قالاسىندا شاڭعى جارىسىنان ءوتىپ جاتقان الەم چەمپيوناتىندا قازاقستان، اۋستريا مەن ەستونيا سپورتشىلارى انتيدوپينگتىك ەرەجەلەردى بۇزدى دەگەن كۇدىككە ىلىنگەنىن جازدى.
ولاردىڭ قاتارىندا الەكسەي پولتورانين دا بار. سپورتشىنىڭ باپكەرى اتالمىش وقيعاعا بايلانىستى مالىمدەمە جاساعان ەدى.
