ماسكەۋدە قازاقستاندىق كاراتەشىلەر 4 مەدال جەڭىپ الدى
فينالدىق كەزەڭدە قازاقستاندىق ەرمەك اينازاروۆ بەس دۇركىن الەم چەمپيونى، الەم رەيتينگىندە ءۇشىنشى ورىندا تۇرعان ءازىربايجاندىق رافاەل اگايەۆپەن كەزدەستى. وكىنىشكە قاراي، وتانداسىمىز ەرمەك قارسىلاسىنا 1:0 ەسەبىمەن ەسە جىبەرىپ، جارىستىڭ كۇمىس جۇلدەسىنە يە بولدى. 60 كەلىگە دەيىنگى سالماقتا قولا جۇلدە ءۇشىن قوس قازاقستاندىق سپورتشى بىرگە شىقتى. دارحان ءاسادىلوۆ پەن داۋلەت شىمىربەكوۆ اراسىنداعى كەزدەسۋ داۋلەتتىڭ ەنشىسىنە شەشىلدى.
سونداي-اق، 67 كەلىگە دەيىنگى سالماقتا ديدار ءامىرالي گرۋزيالىق قارسىلاسىن 8:0 ەسەبىمەن جەڭىپ، قولاعا قول جەتكىزدى. ايەلدەر قۇراماسىنان 68 كەلىدەن جوعارى سالماقتا سىنعا تۇسكەن سوفيا بەرۋلتسيەۆا تۇركيالىق حوكالگۋ مەلتەمدى 7:4 ەسەبىمەن جەڭىپ، ەل قورجىنىنا ءۇشىنشى قولا جۇلدەنى سالدى.
