اقتاۋدا «ارىسقا كومەك» اكسياسى اياسىندا 4 توننا گۋمانيتارلىق جۇك جينالدى
ماڭعىستاۋ وبلىسى جاستار رەسۋرستىق ورتالىعىنىڭ «ارىسقا كومەك» اكسياسى اياسىندا «ارمان» كوۆوركينگ ورتالىعىندا كومەك جيناۋ پۋنكتى اشىلدى. وندا تۇركىستان وبلىسى ارىس قالاسىنداعى توتەنشە جاعداي سالدارىنان زارداپ شەككەندەر ءۇشىن 4 توننا گۋمانيتارلىق جۇك جينالدى. ونىڭ ىشىنە ازىق- تۇلىك، كيىم- كەشەك، ءدارى- دارمەكتەر، جەكە گيگيەنا قۇرالدارى جانە ءبىرىنشى كەزەكتە قاجەتتى زاتتار بار.
زارداپ شەككەندەرگە كومەك كورسەتۋگە اقتاۋ قالاسىنىڭ «ماعاش»، «ماسات» جانە «اسار-س» بازارىنىڭ ساۋداگەرلەرى، ماڭعىستاۋ وبلىستىق دارىگەرلەر مەن پروۆيزورلار قاۋىمداستىعى، جەكە كاسىپكەرلەر، سونىمەن قاتار، ۆولونتەرلەر مەن قالا تۇرعىندارى اتسالىستى.
«25 -ماۋسىمنان باستاپ وبلىستاعى بارلىق اۋداندىق جانە قالالىق جاستار رەسۋرستىق ورتالىقتارىندا كومەك پۋنكتى ءوز جۇمىسىن باستادى. اقتاۋ قالاسى بويىنشا اتالعان اكسياعا 30 ۆولونتەر جۇمىلدىرىلىپ، ارنايى اقپاراتتىق ءىس-شارالار ۇيىمداستىرىلدى. 1,5 كۇندە اقتاۋ قالاسىنىڭ جومارت ازاماتتارىنىڭ قولداۋىمەن 4 تونناعا جۋىق گۋمانيتارلىق جۇك جينالدى. سونىمەن قاتار، قالا تۇرعىندارى اكەلگەن تەز بۇزىلاتىن ازىق- تۇلىكتى ماڭعىستاۋ وبلىستىق مەشىتى جانىنداعى مەدرەسەگە تابىستادىق. جاستارعا ارنالعان «ارمان» كوۆوركينگ ورتالىعىندا ورنالاسقان كومەك پۋنكتى اقشالاي كومەك ءتۇرىن قابىلدامادى، اقشالاي كومەك كورسەتەمىن دەۋشىلەر «تۇركىستان» كورپوراتيۆتىك الەۋمەتتىك دامۋ قورىنا اۋدارۋ كەرەكتىگى ءتۇسىندىرىلدى. وسى رەتتە يگى ىسكە اتسالىسقان ازاماتتارعا، قالا تۇرعىندارىنا العىس ايتامىز»، - دەپ اتاپ ءوتتى ماڭعىستاۋ وبلىسى جاستار رەسۋرستىق ورتالىعىنىڭ ديرەكتورى ابىلاي فازىلبەك.
