دارىگەرلەر قىزدىڭ كوزىنەن 4 ءتىرى ارانى الدى
29 جاستاعى تايۆاندىق حە ەسىمدى بويجەتكەن جاقىنىنىڭ زيرات باسىنا بارىپ، كوزىن زاقىمداپ الدى. ول كوزىنە الدەنە ءتۇسىپ كەتكەنىن سەزەدى. حە كوزىنە توپىراق ءتۇسىپ كەتكەن دەپ ويلاعان. كوزىن جۋعانىمەن، جەڭىلدىك سەزبەيدى. سوندىقتان دارىگەرگە جۇگىنەدى.
دارىگەر تەكسەرۋ كەزىندە ناۋقاستىڭ كوزىندەگى نە ەكەنىن بىردەن تۇسىنە المادى. سوسىن ميكروسكوپتىڭ كومەگىمەن قاراعاندا، جاندىكتىڭ اياعىن بايقايدى. دارىگەر حۋنگ چي- تينگ ناۋقاستىڭ كوزىنەن وسىلايشا گاليكتيد دەپ اتالاتىن 4 ارانى الىپ شىقتى. ارالار ءالى دە ءتىرى بولعان.
ارانىڭ بۇل ءتۇرى ادەتتە زيرات باسىندا، قۇلاعان اعاشتاردا، ادام تەرىسى شىققان جەرلەردە بولادى. دارىگەرلەر بويجەتكەننىڭ باسىندا بولعان جاعداي ولاردىڭ تاجىريبەسىندە عانا ەمەس، الەمدە العاش كەزدەسكەنىن ايتتى. قىزدىڭ كوز جانارىن ساقتاپ قالعانى قۋانارلىق جايت بولدى.
