ايدىڭ ەرەكشە قۇبىلىسى 4 - جەلتوقساندا بايقالادى- فوتو
«جىلىنا ءبىر رەت ايدىڭ ەڭ ۇلكەن جانە ەڭ كىشى ديسكىسىن كورۋ مۇمكىندىگىنە يەمىز. بۇل تولعان ايدىڭ پەريگەي نۇكتەسىنە (سەرىك وربيتاسىنىڭ جەرگە ەڭ جاقىن نۇكتەسى) جەتكەن كەزىنە تۋرا كەلگەندە بولاتىن قۇبىلىس. ال، كەرىسىنشە، ايدىڭ ەڭ كىشى ديسكىسىن تولعان اي ءوز وربيتاسىنىڭ اپەگوي نۇكتەسىنە جەتكەن كەزىنە سايكەس كەلگەندە كورەمىز»، - دەلىنگەن حابارلامادا.
جەلتوقسانداعى ايدىڭ تولۋى 3 - جەلتوقسان كۇنى استانا ۋاقىتىمەن 21:49-دا شەگىنە جەتەدى. ال 4 جەلتوقسان كۇنى 11:43-تە اي جەرگە 2017 -جىلداعى ەڭ جاقىن نۇكتەسىنە تاياپ كەلەدى، ياعني ايدىڭ پەريگەيى 357495 كيلومەترگە شەيىن قىسقارادى. جەردىڭ تابيعي سەرىگى بۇل كەزدە اپوگەي نۇكتەسىندەگىگە قاراعاندا 14 پايىز ۇلكەن، 30 پايىزى جارىق بولىپ كورىنەدى. ەگەر اسپان اشىق بولسا، وڭتۇستىك كوكجيەكتىڭ ۇستىندەگى «سۋپەر» ايدى ءتۇنى بويى كورۋگە بولادى.
