قىزىلوردادا تەرروريستەردەن قورعانىسى وسال 4 مەكەمە باسشىسى جازالاندى

بۇل تۋرالى قازاقپارات ءتىلشىسى حابارلادى.

جۇرگىزىلگەن تەكسەرۋ جۇمىستارى ناتيجەسىندە تەرروريستىك تۇرعىدان وسال 4 نىساننىڭ باسشىسى ق ر اكىمشىلىك قۇقىق بۇزۋشىلىق تۋرالى كودەكسىنىڭ 149-بابى 1-بولىگىنە سايكەس وزىنە سەنىپ تاپسىرىلعان نىساننىڭ تەرروريزمنەن قورعالۋىن قامتاماسىز ەتۋ جانە قاۋىپسىزدىگىنىڭ تيىستى دەڭگەيىن ساقتاۋ جونىندەگى مىندەتتەردى ورىنداماعانى ءۇشىن اكىمشىلىك جاۋاپكەرشىلىككە تارتىلدى.

ونىڭ ىشىندە 1 قوعامدىق تاماقتانۋ ورنى، 1 سپورت نىسانى، 1 ءوندىرىس نىسانى، 1 سۋ شارۋاشىلىعى مەكەمەسى باسشىلىعىنا سوت ورىندارىنىڭ شەشىمىنە سايكەس 2 ميلليونعا جۋىق ايىپپۇل سالىندى. تەكسەرۋ ناتيجەلەرى كورسەتكەندەي، تەرروريستىك تۇرعىدان وسال نىسانداردا ينجەنەرلىك- تەحنيكالىق قاداعالاۋ، بەينەباقىلاۋ جۇيەسى مەن دابىل قوندىرعىلارى، سونداي-اق، مامانداندىرىلعان كۇزەت قىزمەتى بولماعان.

اۆتور: ەلۋباي اۋەزوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى