فوتوگراف ءبىر ءتۇسىرىلىم ءۇشىن 4 جىلىن سۋ استىندا وتكىزدى
ونىڭ وبەكتيۆىنە ايۋلار، بۇعى، ۇكى جانە ت. ب. جانۋارلار الەمىنىڭ وكىلدەرى كىرگەن. ول 15 جىلدان استام ۋاقىت قۇندىزداردىڭ تىرشىلىگىن باقىلاعان. بىردە لۋي- ماري وسى جانۋارلاردىڭ قاتىسۋىمەن ەرەكشە وقيعانى ەسىنە ءتۇسىردى. فوتوگراف قۇندىز وتباسى مۇشەلەرىن اسىراۋ ءۇشىن بۇتاق، جاپىراق، تال قابىعىن قالاي اپارا جاتقانىن تاماشالاعان. سول ساتتە لۋي- ءماريدىڭ فوتواپپاراتى بولماعان، كورگەنى جايلى تەك اڭگىمەلەپ بەرۋىنە تۋرا كەلگەن. قۇندىزدىڭ سۋ استىندا جەمىن تاۋىپ جەۋ پروتسەسىن باقىلاۋ ءۇشىن ول سۋ استىندا جۇزەتىن كيىممەن وزەن تۇبىنە سۇڭگىپ، 2-3 ساعات تاپجىلماي جاتقان. ونىڭ بۇل ىسىنەن تەك 4 جىلدان كەيىن عانا ناتيجە شىقتى. فوتوگراف ەرەسەك قۇندىزدىڭ سۋ استى ىنىندە كۇتىپ وتىرعان ءۇش بالاسىنا ازىق رەتىندە تەرەك بۇتاعىن الىپ بارا جاتقان ءساتىن ءتۇسىرىپ الدى.
