قازاقستاننىڭ 4 بوكسشىسى جارتىلاي فينالدا

بۇل تۋرالى قازاقپارات قازاقستان بوكس فەدەراتسياسىنىڭ باسپا ءسوز قىزمەتىنە سىلتەمە جاساپ حابارلايدى.

سونىمەن شيرەك فينالدىق كەزدەسۋلەر بارىسىندا 52 كەلى سالماق ساناتىندا شارشى الاڭعا شىققان ايدوس اراپوۆ كۋبالىق قارسىلاسى ەليو كرەسپوعا ەسە جىبەرسە، اسا اۋىر سالماقتاعى بوكسشىمىز ابولدى داۋرەن ۇلى گرۋزين گەورگي چيگلادزەگە ۇتىلدى.

ال بەكزات نۇرداۋلەتوۆ (81 كەلى) يرلاندىق كريس ورەيليدى تازا ۇتسا، بەك نۇرماعامبەت (75) امەريكالىق نيكيتا ءابابيدىڭ تاس-تالقانىن شىعارىپ ۇتتى.

ساماتالى تولتايەۆ (56) تۇرىك بوكسشىسى الي يحسان الاگاستىڭ جولىن كەسسە، سادريددين احمەدوۆ (69) كەزدەسۋدىڭ ءۇشىنشى راۋندىندا قىرعىز بوكسشىسى ايبەك اقىلبەك ۇلىن نوكاۋتقا ءتۇسىردى.

26- قاراشا كۇنى وتەتىن جارتىلاي فينالدىق كەزدەسۋدە سامات تولتايەۆ اۆستراليالىق سەم گۋدمانمەن ايقاسادى. ال بەك نۇرماعامبەتتى قارسىلاسى نەمىس ۆەزير اگيرمان. سادريددين احمەتوۆ بريتاندىق موحاممەد اكبارمەن كىم مىقتىنى انىقتايدى.

بەكزات نۇرداۋلەتوۆ بولسا ۋكرايندىق رومان ساۆيتسكيمەن شارشى الاڭدا كەزدەسەدى. ايتا كەتەرلىگى، بۇل جەكپە-جەكتەردى Kazsport تەلەارناسى تىكەلەي كورسەتەتىن بولادى.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى