قازاقستاندا 4 مىڭعا جۋىق بالا جىل سايىن قىلمىس قۇربانى بولادى

«ق ر باس پروكۋراتۋراسىنىڭ مالىمەتى بويىنشا جىل سايىن ەلىمىزدە بالالارعا قاتىستى 4 مىڭعا جۋىق قىلمىس، ونىڭ ىشىندە بالا ءولتىرۋ، زورلىق- زومبىلىق، قاتىگەز ۇستاۋ جانە باسقا دا قىلمىستار جاسالادى. جالپى، سوڭعى 3 جىلدا كامەلەتكە تولماعاندارعا قاتىستى قىلمىستاردىڭ دەڭگەيى 51 پايىزعا كەمىگەندىگى بايقالادى (2016 -جىلدىڭ 6 ايىندا 44,6 پايىزعا كەمىدى (2795-تەن 1548-گە دەيىن).

الايدا بالالارعا قاتىستى زورلىق- زومبىلىق پروبلەماسى وزەكتى بولىپ وتىر جانە ونى شەشۋ ءۇشىن مەملەكەت پەن قوعام تاراپىنان ءبىرشاما شارا قابىلداۋدى تالاپ ەتىلەدى»، - دەلىنگەن ق ر ب ع م بالالاردىڭ قۇقىقتارىن قورعاۋ كوميتەتى مالىمەتىندە.

اتاپ ايتقاندا، اقپاراتتىق ناۋقان اياسىندا كامەلەتكە تولماعاندارعا قاتىستى زورلىق- زومبىلىق، قاتىگەز ۇستاۋ ماسەلەلەرى بويىنشا حالىقتى اقپاراتتاندىرۋ، «دوڭگەلەك ۇستەل» جانە كونفەرەنسيالار، كورمەلەر، بالالار سۋرەتتەرى مەن شىعارمالارىنىڭ بايقاۋلارىن، پىكىرتالاستار، سونداي-اق مەملەكەتتىك جانە ۇكىمەتتىك ەمەس ۇيىمدار وكىلدەرىمەن كەزدەسۋلەر وتكىزىلمەك. مۇنىمەن قوسا، قۇقىق قورعاۋ ورگاندارى، اتا- انالار قاۋىمداستىعىنىڭ وكىلدەرىن تارتا وتىرىپ «وتباسىدا زورلىق- زومبىلىققا جول بەرمەيىك»، «تۇنگى قالاداعى بالالار»، «ءجاسوسپىرىم»، «كوشە» سياقتى كەڭ اۋقىمدى ۆەدومستۆوارالىق رەيدتىك ءىس- شارالار قامتىلماق.

اقپاراتتىق ناۋقان 15 - 30 -قاراشا ارالىعىندا، ەلىمىزدىڭ بارلىق وڭىرلەرىندە ۇيىمداستىرىلادى. ناۋقاننىڭ ماقساتى - قوعامنىڭ نازارىن بالالارعا قاتىستى زورلىق- زومبىلىق ماسەلەلەرىنە اۋدارۋ، قوعامدا بالالاردى قاتىگەز ۇستاۋعا توزبەۋشىلىك قاتىناستى قالىپتاستىرۋ، قوعامنىڭ وسى سالادا حالىقارالىق جانە ۇلتتىق زاڭناما نەگىزدەرى تۋرالى حاباردارلىعىن ارتتىرۋ.

اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى