شاڭحاي ىنتىماقتاستىق ۇيىمىنىڭ اككاۋنتىنا كىرۋشىلەر سانى 4 ميلليونعا جۋىق ادامدى قۇرادى

ش ى ۇ حاتشىلىعى تاراپىنان قۇجاتقا ۇيىمنىڭ باس حاتشىسى ر. اليموۆ، «ۆەيبو» كومپانياسى تاراپىنان - باس ديرەكتور ۆان گاوفەي قول قويدى، دەپ حابارلادى ش ى ۇ حاتشىلىعىنىڭ باسپا ءسوز قىزمەتى.

ۇيىم تاريحىندا الەۋمەتتىك جەلىدە ينتەراكتيۆتىك پاراقشانىڭ العاش پايدا بولۋى اككاۋنتقا كىرۋشىلەرگە ونلاين رەجىمىندە شتاب پاتەردە بولىپ جاتقان شارالاردى باقىلاۋىنا مۇمكىندىك بەرە وتىرىپ، ش ى ۇ ەسىگىن جاڭاشا اشادى.

زاماناۋي اقپاراتتىق-تەلەكوممۋنيكاتسيالىق تەحنولوگيا قوعامدىق ءومىردىڭ بارلىق سالالارىندا جاڭا مۇمكىندىكتەر اشادى. «ءبىز پراكتيكالىق قىزمەتتىڭ جاڭا ادىستەرى مەن اسپاپتارىن يگەرە وتىرىپ، العا جىلجۋعا تىرىسامىز»، - دەپ اتاپ ءوتتى باس حاتشى.

«تاشكەنتتە ش ى ۇ مەرەيتويلىق سامميتىن دايىنداۋ جانە وتكىزۋ شارالارى، ونىڭ قورىتىندىلارى وزىنە حالىقارالىق قوعامداستىقتىڭ نازارىن كەڭىنەن اۋدارتتى. 210 ميلليوننان استام پايدالانۋشى تىركەلگەن «ۆەيبو» رەسۋرسى ش ى ۇ ومىرىنەن جاڭا تەرەزە اشۋعا ىقپال ەتىپ، بىرلەستىكتىڭ جۇمىسى تۋرالى اقپاراتتى كەڭىنەن تاراتۋعا ىقپال ەتەدى»، - دەپ مالىمدەدى ر. اليموۆ.

ش ى ۇ مەن «ۆەيبو» ءوزارا ءىس-ارەكەتىن مازمۇندى تولتىرۋدىڭ العاشقى پراكتيكالىق قادامى قىتايدا ءىرى الەۋمەتتىك جەلى سايتىندا ۇيىمنىڭ اككاۋنتىن ىسكە قوسۋ بولماق. «ۆەيبو» ارقىلى ۇيىم شارالارىن تىكەلەي ينتەرنەتتەن كورسەتۋدىڭ سىناقتان وتكەن بۇرىنعى فورماتىنىڭ ءوز جانكۇيەرلەرى بار، ول بلوگەرلەر مەن الەۋمەتتىك جەلى پايدالانۋشىلارىنىڭ جوعارى باعاسىن العان. ش ى ۇ پاراقشاسىنا جازىلۋشىلار سانى ارتۋ ۇستىندە، قازىردە ءبىر ميلليونعا تاقاپ قالدى. كۇن سايىن اككاۋنتقا 230 مىڭ ادام كىرەدى. 100 مىڭداعان ادام پىكىرلەرىن قالدىرىپ ۇلگەردى. بلوگ-سالادا ش ى ۇ كلۋبىن قۇرۋ تاقىرىبى بەلسەندى تالقىلانۋدا.

بۇدان بۇرىن ش ى ۇ باس حاتشىسى بەيجىڭدە ۇيىمنىڭ شتاب-پاتەرىندە قىتايدىڭ ينتەرنەت پايدالانۋشى توبى مەن بەلگىلى بلوگەرلەردى قابىلدادى. «ۆەيبو» رەسۋرسىنىڭ سايتىندا كورسەتىلگەن «ش ى ۇ حارتياسى» زالىنىڭ سالتاناتتى اشىلۋ راسىمىنە قاتىستى ينتەرنەت اۋديتوريادا وڭ پىكىر جازۋشىلار كوبەيدى.

باس حاتشى «ۆەيبومەن» ىنتىماقتاستىق ش ى ۇ- نىڭ سىرتقى الەمگە اشىقتىعىن ارتتىرىپ، ۇيىمدى بارىنشا تارتىمدى ەتە تۇسەدى، دەپ سانايدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى