ە. تۇرسىنبايەۆا مانەرلەپ سىرعاناۋ گران- پريىنىڭ ءبىرىنشى كەزەڭى اياسىندا 4- ورىنعا كوتەرىلدى

 جارىسقا قازاقستان اتىنان ەليزابەت تۇرسىنبايەۆا مەن دەنيس تەن قاتىسۋدا دەپ حابارلادى Sports.kz.

قازاقستاندىق مانەرلەپ سىرعاناۋشى ەليزابەت تۇرسىنبايەۆا 4- ورىنعا كوتەرىلدى. بۇعان دەيىن ول قىسقا باعدارلاماسىن ورىنداپ، 7- ورىنعا تۇراقتاعان بولاتىن. جالپى ەسەپتە 178,56 ۇپاي جيناعان ول 4-ورىنعا تابان تىرەدى. ايەلدەردىڭ دارا سىرعاناۋى بويىنشا جەڭىس رەسەيلىك ەۆگەنيا مەدۆەديەۆاعا بۇيىردى. ەكىنشى ورىندى امەريكالىق گرەيسي گولد يەلەنسە، ءۇشىنشى ورىندى جاپوندىق ساتوكو مياحار الدى.

ال، دەنيس تەن Skate America گران- پريىنىڭ العاشقى كەزەڭىندە توعىزىنشى ناتيجە كورسەتتى. بۇگىن وتكەن ەرىكتى باعدارلامادا قازاقستاندىق مانەرلەپ سىرعاناۋشى 11-ورىننان كورىندى. قىسقا باعدارلامانىڭ قورىتىندىسى بويىنشا التىنشى ورىن العان تەن جارىستىڭ قورىتىندىسىندا 9-ورىنعا تابان تىرەدى. ونىڭ جالپى ۇپايى- 201,52. ال باس جۇلدە امەريكاندىق ماكس اارونعا (258,95) بۇيىردى. ەكىنشى ورىنعا جاپوندىق شوم ۋنو (257,43) تۇراقتانسا، ءۇشىنشى ورىندى قىسقا باعدارلاما قورىتىندىسىنان سوڭ 8-ورىنعا تابان تىرەگەن امەريكالىق دجەيسون براۋن (238,47) يەلەندى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى