يران قازاقستاننىڭ باتىسىندا 4- مۇناي وڭدەۋ زاۋىتىنىڭ سالىنۋىنا مۇددەلى ەكەنىن تانىتتى

 يراننىڭ ەۋروپامەن جانە كاسپي ايماعى ەلدەرىمەن بايلانىس باسقارماسىنىڭ باس ديرەكتورى حوسسەين يسماەليدىڭ قازاقپارات اگەنتتىگىنە حابارلاعانىنداي، يران بولاشاق مۇناي وڭدەۋ زاۋىتىنا (م ءو ز) تاۋلىگىنە 5 مىڭ باررەل جەتكىزىپ بەرە الادى. وڭدەلگەن تازا ءونىم قازاقستان مەن قىتايدىڭ ىشكى نارىعىنا باعىتتالار ەدى. دايىن ءونىمدى ساتاتىن يراندىق كومپانيالاردىڭ باسشىلارى دا وعان مۇددەلى.

جيىنعا قاتىسىپ وتىرعان ماڭعىستاۋ وبلىسى اكىمىنىڭ ورىنباسارى راحىمبەك ءامىرجانوۆ يران تاراپىمەن وسى باعىتتا كەلىسسوزدەر جۇرگىزىلىپ جاتقاندىعىن راستاپ وتىر. ونىڭ سوزىنە قاراعاندا، يران ءبىزدىڭ ەلدە 4- مۇناي وڭدەۋ زاۋىتىنىڭ قۇرىلىسىنا قارجى باعىتتاۋعا دا نيەتتى.

 «جوبانى جۇزەگە اسىرۋعا مۇددەلىلىگىن بىلدىرەتىن يران سىرتقى ىستەر مينيسترلىگىنىڭ 2 نوتاسى بار جانە بۇگىنگى قارار دا سوعان دالەل. يران تاراپىمەن سۆوپ- وپەراتسيالاردى جاساۋعا تەحنيكالىق كەدەرگىلەر دە جوق. 2010 - جىلى اقتاۋ پورتى 5 ميلليون توننا مۇنايدى ەركىن قابىلداي الدى. تىعىرىققا تىرەگەنى يرانعا سالىنعان بانك سانكسيالارى ەدى. نەگىزى ءبىزدىڭ پورت 12 ميلليون توننانى قابىلداي الادى. باستى ماسەلە بانك ارقىلى ەسەپ ايىرىسۋدىڭ قيىندىقتارى»، - دەدى ماڭعىستاۋ وبلىسى اكىمىنىڭ ورىنباسارى.

 اۆتور: جاسۇلان جولدىبايەۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى