پاۆلودار وبلىسىندا 4 جاسار ءبۇلدىرشىن جوعالىپ كەتتى
تامەرلان مۇحتاروۆتى ىزدەستىرۋ شارالارى ەكىنشى تاۋلىككە جالعاستى. بالا اقسۋ قالاسىنىڭ جاعاجايىندا ءىز-ءتۇزسىز كەتكەن. پوليتسيا قىزمەتكەرلەرى ونى ۇرلاپ كەتۋى مۇمكىن دەگەن اقپاراتتى جوققا شىعارمايدى.
سۋدا قۇتقارۋ قىزمەتىنىڭ ماماندارى دا وسى پىكىرمەن كەلىسىپ وتىر. ويتكەنى سۋ ءتۇبىن ءتىنتۋ ناتيجە بەرمەي وتىر. تامەرلان ۇلكەندەرمەن بىرگە جاعاجايدا بولعانىمەن، كەنەتتەن كوزدەن تاسا بولعان.
قازىر جاقىن اۋماق پەن توعايلاردى تەكسەرۋ شارالارى جالعاسىپ جاتىر. ءتارتىپ ساقشىلارى مەن قۇتقارۋشىلارعا ەرىكتىلەر دە كومەك كورسەتۋدە. بالانىڭ تۋعاندارى جەرگىلىكتى حالىقتىڭ بۇل جاعدايعا بەي-جاي قاراماي، قانداي دا ءبىر اقپارات بولسا، پوليتسياعا حابارلاۋدى ءوتىنىپ سۇرايدى.
