شىعىس قازاقستاندا 4 گەولوگ مىنگەن كولىك مۇز استىنا ءتۇسىپ كەتتى
پورتالدىڭ مالىمەتىنشە، وقيعا كەشە، 17 - ناۋرىز كۇنى بولدى.
توتەنشە وقيعا تۋرالى تولىق مالىمەت ازىرشە جوق. سۋدان قۇتقارۋ قىزمەتىنىڭ اعا ادىسكەرى اناتولي روجكوۆتىڭ ايتۋىنشا، باستاپقىدا اۆتوكولىكپەن بىرگە ءۇش ادام مۇز استىنا كەتتى دەگەن بولجام بولعان.
«باسىندا مۇز استىنا كولىكپەن بىرگە ءۇش ادام كەتتى دەپ بولجانعان ەدى، ءبىراق كەيىن ءبىر ادامنىڭ قازا تاۋىپ، ۇشەۋىنىڭ امان قالعانى بەلگىلى بولدى. ءۇش ەر ادام باتىپ بارا جاتقان كولىكتەن ءوز كۇشتەرىمەن شىققان. قازا بولعان 23 جاستاعى ازاماتتىڭ دەنەسىن جەرگىلىكتى تۇرعىندار مەن اۋداندىق ىشكى ىستەر ءبولىمىنىڭ قىزمەتكەرلەرى الىپ شىقتى»، - دەيدى ول.
ايتا كەتەيىك، بۇل وقيعاعا تاپ بولعانداردىڭ گەولوگتار ەكەنى انىقتالىپ وتىر. وقيعا گەوفيزيكالىق جۇمىستار كەزىندە بولعان.
ەسكە سالا كەتەيىك، بۇعان دەيىن قىزىلوردا وبلىسىندا "ۋازفەرمەر" اۆتوكولىگىنىڭ مۇز استىنا ءتۇسىپ كەتكەنى حابارلانعان ەدى. وقيعا سالدارىنان بەس ادام قازا تاپتى. قايعىلى وقيعا 20 - قاڭتار كۇنى ارال اۋدانىنىڭ امانوتكەل ەلدى مەكەنى ماڭىندا بولدى.
