ق ر پرەزيدەنتتىگىنە ۇسىنىلعان 4 ۇمىتكەر كانديداتتارعا قويىلاتىن تالاپتارعا سايكەس كەلمەدى

 وتىرىستا ءوز كانديداتۋرالارىن ۇسىنعان ءتورت ۇمىتكەرگە - باقىت تولەگەن ۇلى ابدىكارىموۆكە، سۋحراب امينجان ۇلى مىرزاشوۆقا، اسقار جوراباي ۇلى سىرعابايەۆقا جانە سافيوللا قالاباي ۇلى الداجانوۆقا ولاردىڭ قازاقستان رەسپۋبليكاسىنىڭ كونستيتۋتسياسىندا جانە «قازاقستان رەسپۋبليكاسىنداعى سايلاۋ تۋرالى» قازاقستان رەسپۋبليكاسىنىڭ كونستيتۋتسيالىق زاڭىندا كانديداتتارعا قويىلاتىن تالاپتارعا سايكەس كەلمەۋلەرىنە بايلانىستى قازاقستان رەسپۋبليكاسىنىڭ پرەزيدەنتتىگىنە كانديداتتار رەتىندە تىركەۋدەن باس تارتۋ تۋرالى شەشىمدەر قابىلداندى.

اتالعان ۇمىتكەرلەرگە قاتىستى جۇرگىزىلگەن تەكسەرۋدىڭ ناتيجەلەرى بويىنشا قازاقستان رەسپۋبليكاسى ورتالىق سايلاۋ كوميسسياسى مىنانى انىقتادى:

باقىت تولەگەن ۇلى ابدىكارىموۆ ۇسىنعان جەكە كۋالىگىنە جانە ءومىرباياندىق دەرەكتەرىنە ساي 1977 - جىلعى 23 - اقپاندا تۋعان جانە 2015 - جىلعى 6 - ناۋرىزداعى جاعداي بويىنشا قىرىق جاسقا تولماعان.

سۋحراب امينجان ۇلى مىرزاشوۆ ۇسىنعان جەكە كۋالىگىنە جانە ءومىرباياندىق دەرەكتەرىنە ساي 1984 - جىلعى 22 - قىركۇيەكتە تۋعان جانە 2015 - جىلعى 6 - ناۋرىزداعى جاعداي بويىنشا قىرىق جاسقا تولماعان.

اسقار جوراباي ۇلى سىرعابايەۆ قازاقستان رەسپۋبليكاسىنىڭ پرەزيدەنتتتىگىنە كانديداتتىڭ مەملەكەتتىك ءتىلدى ەركىن مەڭگەرگەندىگىن انىقتاۋ جونىندەگى لينگۆيستيكالىق كوميسسيانىڭ 2015 - جىلعى 6 - ناۋرىزداعى № 5 - شەشىمى نەگىزىندە مەملەكەتتىك ءتىلدى ەركىن مەڭگەرمەگەن.

سافيوللا قالاباي ۇلى الداجانوۆ قازاقستان رەسپۋبليكاسىنىڭ پرەزيدەنتتتىگىنە كانديداتتىڭ مەملەكەتتىك ءتىلدى ەركىن مەڭگەرگەندىگىن انىقتاۋ جونىندەگى لينگۆيستيكالىق كوميسسيانىڭ 2015 - جىلعى 6 - ناۋرىزداعى № 5 -شەشىمى نەگىزىندە مەملەكەتتىك ءتىلدى ەركىن مەڭگەرمەگەن.

سونداي-اق 6 - ناۋرىزدا ورتالىق سايلاۋ كوميسسياسى قازاقستان رەسپۋبليكاسىنىڭ پرەزيدەنتتتىگىنە كانديدات ليمانا قويشيەۆانى قازاقستان رەسپۋبليكاسىنىڭ كونستيتۋتسياسىندا جانە «قازاقستان رەسپۋبليكاسىنداعى سايلاۋ تۋرالى» قازاقستان رەسپۋبليكاسىنىڭ كونستيتۋتسيالىق زاڭىندا كانديداتتارعا قويىلاتىن تالاپتارعا سايكەس دەپ بەلگىلەۋ جانە وعان كانديداتۋراسىن قولداپ قول جيناۋى ءۇشىن قول قويۋ پاراقتارىن بەرۋ تۋرالى قاۋلىلاردى قابىلدادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى