قاراعاندى وبلىسىندا اۋداندىق سوتتىڭ بۇرىنعى ءتوراعاسى الاياقتىعى ءۇشىن 4 جىلعا باس بوستاندىعىنان ايىرىلدى
«11- اقپاندا بۇقار جىراۋ اۋداندىق 2№ سوتى ب. ابدىكەروۆكە قاتىستى قىلمىستىق ءىس بويىنشا سوت ۇكىمىن شىعاردى. ول ق ر ق ك 177-بابى 3- ءبولىمى «گ» تارماعىندا (الاياقتىق) كوزدەلگەن قىلمىس جاساعانى ءۇشىن ايىپتى دەپ تانىلدى. سوت جالپى رەجىمدەگى تۇزەۋ مەكەمەسىنە جىبەرە وتىرىپ، 4 جىل مەرزىمگە باس بوستاندىعىنان ايىرۋ تۇرىندە جازا تاعايىندادى»، - دەدى بريفينگتە ا. دانەنوۆا.
ۇكىم زاڭدى كۇشىنە ەنگەن جوق جانە اپەللياتسيالىق ساتىدا شاعىمدانۋعا نەمەسە نارازىلىق بىلدىرۋگە بولادى.
ەسكە سالساق، 2014-جىلعى 1- شىلدەدە 100 مىڭ تەڭگە پارا الدى دەگەن كۇدىكپەن بۇقار جىراۋ اۋداندىق سوتىنىڭ ءتوراعاسى ب. ابدىكەروۆ ۇستالعان بولاتىن. اتالمىش فاكتى بويىنشا قارجى پوليتسياسى ورگاندارى قىلمىستىق ءىس قوزعادى. تەرگەۋ نۇسقاسى بويىنشا اۋداندىق سوت باسشىسى سىياقى العانى ءۇشىن ازاماتتىق ءىس بويىنشا ماسەلەنى وڭ شەشىپ بەرۋگە ۋادە بەرگەن.
