جەڭىل ونەركاسىپ سالاسى 4 ميلليارد دوللار شىعىنعا باتتى

ولار ەڭبەك قاۋىپسىزدىگىن ارتتىرىپ، جالاقىنى كوتەرۋدى تالاپ ەتۋدە.

جاپپاي نارازىلىقتاردىڭ كەسىرىنەن جەڭىل ونەركاسىپكە 4 ميلليارد دوللار زيان كەلگەن. ساراپشىلار جۇمىسشىلار تولقۋى وسىلاي جالعاسا بەرسە، وندا قارجىلىق شىعىن كولەمى ارتىپ، ەل ەونوميكاسى كەرى كەتۋى ابدەن مۇمكىن دەپ قاۋىپتەنۋدە.

بانگلادەش استاناسىن بۇگىن بەي-بەرەكەتسىزدىك جايلادى. مىڭداعان تۇرعىن كوشەلەردىڭ بويىنا ءتىزىلىپ، كولىك قوزعالىسىنا كەدەرگى كەلتىردى. ەرەۋىلشىلەردىڭ اراسىندا ايەل ادامدار كوپ. سەبەبى بۇلار -  كيىم-كەشەك شىعاراتىن زاۋىت- فابريكالاردىڭ جۇمىسشىلارى.

جەڭىل ونەركاسىپ سالاسى ەل ەكونوميكاسىنا قىرۋار قارجى كەلتىرىپ وتىرسا دا، كاسىپورىندارداعى ەڭبەك جاعدايى وتە تومەن. ونىڭ ۇستىنە جۇمىسشىلارعا بەرىلەتىن جالاقى كولەمى ولاردىڭ بەينەتكە تولى ەڭبەگىنە لايىقتى ەمەس كورىنەدى. الەمدە قىتايدان كەيىن ەكىنشى ورىن الاتىن جانە بانگلادەش ەكونوميكاسىنىڭ كۇرەتامىرى سانالاتىن جەڭىل ونەركاسىپ سالاسى وسىعان دەيىنگى ەرەۋىلدەردەن 4 ميلليارد دوللار شىعىنعا باتتى.

ەلدىڭ قارجى ءمينيسترى جۇمىسشىلار ەرەۋىلى وسىلاي جالعاسا بەرسە، وندا بيىلعا جوسپارلانعان 7,2 پايىزدىق ەكونوميكالىق ءوسىم جۇزەگە اسپاي، جاعداي كەرى كەتەدى دەپ الاڭداۋشىلىق بىلدىرۋدە.

ءبىراق جۇمىسشىلار زاۋىتتارداعى قاۋىپسىزدىك شارالارىن كۇشەيتپەي، وڭدى وزگەرىستەر كۇتۋ اقىلعا سىيىمسىز دەيدى. جاپپاي ەرەۋىلدەردى ۇيىمداستىرۋشى وداق باسشىلارىنىڭ مالىمدەۋىنشە، نارازىلىق شارالارى 3 كۇنگە دەيىن جالعاسادى.

ال جەرگىلىكتى ساراپشىلار ەل ەكونوميكاسىنا 24 ميلليارد دوللار قۇيىپ وتىرعان جەڭىل ونەركاسىپ ەكسپورتى جۇمىسشىلار تولقۋىنان وراسان زور شىعىنعا ۇشىرايدى دەپ دابىل قاعۋدا.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى