وتكەن جىلى سوتتاردا قارالعان ىستەردىڭ 4 پايىزى سىبايلاس جەمقورلىق قىلمىسقا قاتىستى بولدى

بۇگىن ق ر جوعارعى سوتى سۋديالارىنىڭ كەڭەيتىلگەن كەڭەسىندە ق ر جوعارعى سوتتىڭ قىلمىستىق ىستەر جونىندەگى قاداعالاۋشى سوت القاسىنىڭ ءتوراعاسى اقىلتاي قاسىموۆ وسىلاي مالىمدەدى.

ەسكە سالايىق، كەڭەس وتىرىسى «2015-2025-جىلدارعا ارنالعان سىبايلاس جەمقورلىققا قارسى ستراتەگيانى ىسكە اسىرۋ اياسىندا سوت ورگاندارىندا سىبايلاس جەمقورلىقتىڭ الدىن الۋدىڭ نەگىزگى باعىتتارى» اتتى تاقىرىپ اياسىندا وتۋدە.

«2014-جىلى سىبايلاس جەمقورلىق قىلمىستارعا قاتىستى 807 ءىس بويىنشا ۇكىم شىعارىلدى، بۇل جالپى قىلمىستىق ىستەردىڭ 4 پايىزىن قۇرايدى. اتالعان كورسەتكىش 2013-جىلى 886 ءىستى قۇراعان بولاتىن. جالپى، قۇقىق قورعاۋ جانە ارنايى ورگاندارمەن ءوزارا بايلانىسا وتىرىپ، سىبايلاس جەمقورلىقتىڭ الدىن الۋ، ولاردىڭ ورىن الۋىنا قاتىستى جاعدايلاردى جويۋعا باعىتتالعان شارالاردى جەتىلدىرۋگە ءجىتى ءمان بەرىلدى»، - دەپ اتاپ ءوتتى ا. قاسىموۆ.

توقتالا كەتەتىن جايت، 2015-2025-جىلدارعا ارنالعان سىبايلاس جەمقورلىققا قارسى ستراتەگيا اياسىندا ق ر جوعارعى سوتى 2015-جىلعى سوت جۇيەسىندەگى سىبايلاس جەمقورلىققا قارسى ءىس-شارالار كەشەنى جوباسىن ازىرلەۋدە. وسىعان وراي، كەڭەستە كوتەرىلگەن ماسەلەلەردىڭ بارلىعى اتالعان جوسپارعا ەنەتىن بولادى.

اۆتور: قانات مامەتقازى ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى