جوعالىپ كەتكەن بالا جاپان دالادا 4 كۇن بويى اساۋ اتپەن الىسقان

16 جاستاعى جىگىت اساۋ اتقا ءمىنىپ كورمەكشى بولعان، ات ونى جاپان دالاعا الا قاشقان. امان قالۋ ءۇشىن ءوزىن اتقا بايلاپ قويعان.

مىرزاعاليەۆ وتكەن جەكسەنبىدە جوعالعان. تاجىريبەلى مالشىنىڭ ۇلى اساۋ اتتى ۇيرەتپەكشى بولادى: اتتى ەرتتەپ، مىنگەنى سول، ات بەلگىسىز باعىتقا قاراي شاۋىپ كەتكەن.

«جاسوسپىرىم ىرعىز اۋدانىنىڭ مامىر اۋىلىندا تۇرادى. ول - اقتوبە وبلىسىنىڭ شالعاي اۋىلدارىنىڭ ءبىرى. ونى تابۋ ءۇشىن پوليسيا قىزمەتكەرلەرى مەن جەرگىلىكتى اكىمدىك، «وحو تزو وپروم» كاسىپورنىنىڭ قىزمەتكەرلەرى جۇمىلدىرىلدى» ، - دەپ اتاپ ءوتتى اقتۇبە وبلىسى ىشكى ىستەر دەپارتامەنتى باسپا ءسوز قىزمەتىنىڭ باسشىسى ارداگەر ۋايدين.

مەكتەپ وقۋشىسى 3 كۇننەن كەيىن ءبىر- اق تابىلدى. ونى قوستاناي وبلىسىنىڭ شەكاراسىنا جاقىن جەردە قويشىلارمەن بىرگە تراكتورمەن جەر تازالاپ جۇرگەن ءتارتىپ ساقشىلارى بايقاعان.

پوليتسەيلەر ونىڭ ەر- توقىمعا مىقتاپ ۇستالعانىن اتاپ ءوتتى. ول ءوزىن قۇلاپ كەتپەۋ ءۇشىن اتقا بايلاعان، سولاي دارەت سىندىرعان. 4 كۇن بويى ءنار تاتپاعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى