قىتايدىڭ نانجين قالاسىندا ءوتىپ جاتقان جاسوسپىرىمدەر وليمپياداسىندا قازاقستاندىق اتلەت 4- ورىندى يەلەندى
اۋىر اتلەت 69 كەلىدە جاستار اراسىنداعى الەم چەمپيوناتىنىڭ قولا جۇلدەگەرى ميحايل ماكەيەۆ جۇلدەگە ءبىر تابان جاقىن بولعان. ءبىراق ول باپكەرلەر قويعان تاكتيكانى تولىق ورىنداي المادى. جۇلقا كوتەرۋدە 125 كەلىنى تەك ءۇشىنشى مۇمكىندىگىنەن الدى. ال سەرپە كوتەرۋدە 153 كەلىنى كوتەردى دە 166 كەلىگە شىعىپ، ەكى رەتتە دە زىلتەمىردى باعىندىرا المادى. ناتيجەسىندە ءتورتىنشى ورىن. ماكەيەۆ قولا جۇلدە العان سپورتشىدان ون كەلىگە ۇتىلدى.
58 كەلىدە سىنعا تۇسكەن التىناي دامەن بەسىنشى ورىنمەن شەكتەلدى. سپورتتىق گيمناستيكادان ەربول جانتىقوۆ ون بەسىنشى ورىن الدى.
قازاقستاننىڭ باستى ءۇمىتى سانالاتىن بوكسشىلار مەن بالۋاندار جارىسقا 23-تامىزدان كەيىن شىعادى.
ازىرگە قازاقستان قورجىنىندا ءبىر التىن بار. ول جۇلدەنى دزيۋدودان باۋىرجان جاۋىنتايەۆ يەلەنگەن ەدى. قازاقستان جالپى ەسەپتە 23 ورىندا تۇر.
