استانادا 4 ميلليون تەڭگەدەن استام اقشا اكەلە جاتقان اقشا تاسۋشىعا شابۋىل جاسالدى

ەلورداداعى ۇيىم قىزمەتكەرلەرىنىڭ بىرىنەن بەلگىسىز بىرەۋ 4 ميلليوننان استام تەڭگەسى بار سومكەنى جۇلىپ اكەتپەك بولعان، دەپ حابارلادى استانانىڭ ءى ءى د باسپا ءسوز قىزمەتى.
قالانىڭ ءى ءى د-نەن حابارلاعانداي، ينكاسساتور تەرمينالداردان تولەمدەردى جيناپ، اقشا العان.

رەسپۋبليكا داڭعىلى مەن اباي كوشەسىنىڭ قيىلىسىندا وعان بەلگىسىز ەر ادام شابۋىل جاساعان. بولعان جاعداي تۋرالى حابارلاما پوليتسياعا شامامەن تاڭعى 10:00 كەزىندە تۇسكەن.

ينكاسساتور شابۋىل جاساعان ادامعا قارسىلىق كورسەتىپ، تراۆماتيكالىق تاپانشادان ۇرىنى شوشىتۋ ءۇشىن اۋاعا وق اتقان. وسىدان كەيىن شابۋىلداۋشى ءىزىن سۋىتقان.

ءى ءى د باسپا ءسوز قىزمەتىنەن اتاپ كورسەتكەندەي، كۇدىكتىنىڭ كىم ەكەنى انىقتالدى. ونى ۇستاۋ بويىنشا شارالار جۇرگىزىلۋدە.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى