نوسەر جاۋىن سالدارىنان 49 ادام قايتىس بولدى نەمەسە ءىز- ءتۇزسىز جوعالىپ كەتتى
سەنبى كۇنى نوسەر جاۋىننان كەيىن جاقىن ماڭداعى وزەن ارناسىنان اسىپ، چحوندجۋ قالاسىنداعى وسونگ جەراستى جولىن سۋ باسىپ قالعان. سالدارىنان 15 كولىك، ونىڭ ىشىندە اۆتوبۋس سۋ استىندا قالدى.
تۇندە تاعى ءتورت ادامنىڭ ءمايىتى تابىلىپ، قازا تاپقاندار سانى 13 ادامعا جەتتى.
تابيعات اپاتتارىمەن كۇرەس جانە قاۋىپسىزدىك شارالارى ورتالىق باسقارماسىنىڭ اقپاراتى بويىنشا، ەلدە 39 ادام، ونىڭ 19 ى وڭتۇستىك- شىعىستاعى سولتۇستىك كەنسان پروۆينتسياسىندا نوسەر جاۋىن سالدارىنان قازا تاپتى.
تاڭعى 6 داعى جاعداي بويىنشا توعىز ادام ءىز- ءتۇزسىز جوعالعاندار قاتارىندا، ونىڭ تورتەۋى سولتۇستىك كەنسان پروۆينتسياسىندا، 34 ادام جاراقات الدى.
قۇرباندار سانى ارتۋى مۇمكىن، سەبەبى قۇتقارۋشىلار سۋ باسىپ قالعان جەراستى جولىن قۇرعاتۋ وپەراتسياسىن جالعاستىرىپ جاتىر. وندا بولجام بويىنشا، 10 اۆتوكولىك سۋ استىندا قالعان.
ەلدە 10570 ادام ءوز ۇيلەرىنەن ەۆاكۋاتسيالاندى.
نوسەر جاۋىن 628 قوعامدىق نىسان مەن 317 باسقا دا جەكە نىساندى ءبۇلدىردى، ونىڭ ىشىندە 146 جول وپىرىلدى نەمەسە سۋ شايىپ كەتتى، 139 ءۇي سۋ استىندا قالدى.
28607 ءۇي جارىقسىز قالدى. دۇيسەنبىدەگى جاعداي بويىنشا، بۇل ۇيلەردىڭ كوبىندە جارىق قايتا قوسىلدى.
سەيسەنبى چحۋنچحوندا جانە وڭتۇستىك وڭىرلەردە 200 م م- گە دەيىن، ەلدىڭ باسقا بولىگىندە 10 نان 100 م م- گە دەيىن جاۋىن- شاشىن ءتۇسۋى مۇمكىن.
وسىعان دەيىن وڭتۇستىك كورەيادا جاڭبىردان قازا تاپقاندار سانى 32 ادامعا جەتكەنى حابارلاندى.
