شىعىس قازاقستاندا پ ت ر انىقتاماسى جوق 49 جولاۋشى ۇشاققا وتىرعىزىلمادى

بۇل جايىندا كولىكتەگى باس مەملەكەتتىك سانيتار دارىگەر سادۋاقاس بايعابىلوۆ ءمالىم ەتتى، دەپ حابارلايدى قازاقپارات ءتىلشىسى.

ونىڭ دەرەگىنشە، 2 -قاراشا كۇنى شىعىس قازاقستان وبلىسىنان نۇر-سۇلتان، الماتى جانە شىمكەنت قالالارى باعىتىندا پ ت ر انىقتاماسى بار 385 جولاۋشى ۇشىپ كەتتى.

«وسكەمەن مەن سەمەي اۋەجايلارىندا نۇر-سۇلتان اۋە رەيسىنە پ ت ر انىقتاماسى 33 ادام جىبەرىلگەن جوق. ولاردىڭ ەكەۋىندە انىقتامانىڭ جارامدىلىق مەرزىمى ءوتىپ كەتسەك، 31 ىندە مۇلدەم انىقتاما بولماعان. ال الماتى اۋە رەيسىنە وسكەمەن مەن سەمەي قالاسىنىڭ اۋەجايىنان 11 ادام پ ت ر انىقتاماسى بولماعاندىقتان ۇشاققا وتىرعىزىلمادى. سونىمەن قاتار وسكەمەننەن شىمكەنت باعىتىنداعى اۋە رەيسىنە پ ت ر انىقتاماسى جوق 5 ادام جىبەرىلمەدى»، - دەيدى سادۋاقاس بايعابىلوۆ. ەستەرىڭىزگە سالا كەتەيىك، 2 -قاراشادان باستاپ شىعىس قازاقستان وبلىسىندا COVID-19 بويىنشا جاڭا شەكتەۋ شارالارى ەنگىزىلدى. وعان سايكەس، ش ق و- دان اۋە نەمەسە تەمىر جول كولىگىمەن باسقا وڭىرلەرگە ساپارلايتىن بارلىق جولاۋشىلاردا پ ت ر ساراپتاماسىن تاپسىرعانى جانە ونىڭ تەرىس ناتيجەسى كورسەتىلگەن انىقتاماسى بولۋى ءتيىس.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى