استانادا سالىناتىن زووپاركتە جانۋارلاردىڭ 49 ءتۇرى ورنالاسادى - فوتو
زووپاركتىڭ جالپى اۋدانى 50 گەكتاردى قۇرايدى. بۇل تۋرالى «قازاقپارات» اگەنتتىنىڭ رەسمي ساۋالىنا جاۋاپ بەرە وتىرىپ، استانا قالاسىنىڭ قۇرىلىس باسقارماسى حابارلادى.
«قازىر «استانا قالاسىندا حايۋاناتتار باعىنىڭ قۇرىلىسى» جوباسىنىڭ تەحنيكالىق-ەكونوميكالىق نەگىزدەمەسى عانا ازىرلەنگەن. جوبانى ازىرلەۋشى «پ پ ك» جوبالاۋ- قۇرىلىس كومپانياسى» ج ش س. جوبا بويىنشا، حايۋاناتتار باعى اۋماعىنىڭ جالپى اۋدانى 50 گەكتار بولماق. قۇرىلىستىڭ جەر تەلىمى يپپودرومنان وڭتۇستىك-باتىسقا قاراي، استانا قالاسىنىڭ سول جاعالاۋى بولىگىندە ورنالاسقان»، - دەپ حابارلادى باسقارما.
جوبانىڭ تەحنيكالىق-ەكونوميكالىق نەگىزدەمەسىنە ساي، قۇرىلىستىڭ ەسەپتەۋ قۇنى 24,31 ميلليارد تەڭگەنى قۇراعان. ازىرگە، قارجىلاندىرۋ بولىنبەگەن سوڭ، جۇمىستىڭ جوباسى دايىن بولماي وتىر.
«حايۋاناتتار باعىنا جانۋارلاردىڭ 49 ءتۇرىن ورنالاستىرۋ، نەگىزىنەن سولتۇستىك امەريكا، وڭتۇستىك امەريكا جانە افريكا سەكىلدى ايماقتاردان اكەلۋ جوسپارلانۋدا. حايۋاناتتار باعىنىڭ اۋماعىنا اكىمشىلىك كورپۋس، قىزمەتتىك عيمارات، شارۋاشىلىق اۋلاسى، ورانجەرەيا، جانۋارلارعا ارنالعان جابىق پاۆيلوندار، قويمالار، سورعى ستانسياسى جانە وزگە دە نىساندار ورنالاساتىن بولادى. قىزمەتكەرلەر قۇرامىنىڭ سانى 287 ادامدى قۇراماق»، - دەيدى باسقارما اگەنتتىكتىڭ ساۋالىنا جاۋاپ بەرە وتىرىپ.
сауалына жауап бере отырып.
