قازاقستان ازاماتتارىنىڭ مەنشىگىندە 490 نان استام ياحتا بار - سەناتور

بۇل تۋرالى ول سالىق ساياساتىنداعى وزگەرىستەرگە ارنالعان دوڭگەلەك ۇستەلدەن كەيىن ب ا ق وكىلدەرىنىڭ سۇراعىنا بەرگەن جاۋابىندا ايتتى، دەپ حابارلايدى قازاقپارات ءتىلشىسى.

«ءسان-سالتانات سالىعى ماسەلەسى جاڭا سالىق كودەكسىندە 3 باعىت بويىنشا بايلانىسقان. ونىڭ ءبىرىنشىسى - جىلجىمايتىن مۇلىك. جاڭا عانا ايتقانىمداي، شامامەن ەلىمىزدىڭ 3,8 ميلليون تۇرعىنىندا 6,8 ميلليون جىلجىمايتىن مۇلىك نىسانى بار. ەكىنشى ماسەلە - «ءسان سالتانات» ماسەلەسى. كولىك بويىنشا ايتساق، قۇنى 50 ميلليون تەڭگەدەن اساتىن كولىكتەرگە پروگرەسسيۆتى شكالا بەلگىلەنۋى مۇمكىن. بىزدە قازاقستان رەسپۋبليكاسى ازاماتتارىنىڭ مەنشىگىندە دەپ سنالاتىن 490 نان استام ياحتا بار. ءۇشىنشى باعىت اراق-شاراپ ونىمدەرىمەن بايلانىستى»، - دەدى سەناتور.

اتالمىش دوڭگەلەك ۇستەلدە ۇلتتىق ەكونوميكا ۆيتسە- ءمينيسترى ازامات ءامرين قازاقستاندىقتاردىڭ اتىنا تىركەلگەن جەكە ياحتالار مەن ۇشاققا قانشا مۇلىك سالىعى سالىناتىنىن ايتقان بولاتىن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى