اتىراۋدا ءسۇت ونىمدەرىنەن الىنعان 48 سىنامانىڭ تالاپقا ساي ەمەستىگى انىقتالدى

اتىراۋ وبلىستىق سانيتاريالىق- ەپيدەميولوگيالىق دەپارتامەنتىنىڭ باس مامانى گۇلجامال جۇبانىشيەۆانىڭ مالىمەتىنشە، جىل باسىنان بەرى ءسۇت جانە ءسۇت ونىمدەرىنەن 181 سىناما الىنعان.

«ماقسات - ەۋرازيالىق ەكونوميكالىق وداقتىڭ تەحنيكالىق رەگلامەنتتەرىنىڭ، ءبىرىڭعاي سانيتارلىق- ەپيدەميولوگيالىق جانە گيگيەنالىق تالاپتارىنىڭ سايكەستىگىن زەردەلەۋ.

سىناما قورىتىندىسىمەن تەحنيكالىق رەگلامەنتتەردە بەلگىلەنگەن تالاپتارعا 48 سىناما سايكەس كەلمەدى. ويتكەنى سىنامادان فيزيكو-حيميالىق كورسەتكىشتەر، سىنامادان تاڭبالانۋى بويىنشا سايكەسسىزدىك انىقتالدى. مۇنداي سايكەسسىزدىكتىڭ نەگىزگى ۇلەسى

يمپورتتىق ءسۇت ونىمدەرىنە تيەسىلى بولىپ وتىر. بۇل كورسەتكىش جالپى سايكەس ەمەس ءونىمنىڭ %26,5 ىن قۇرايدى. وسىعان بايلانىستى كاسىپكەرلىك سۋبەكتىلەرىنە ەل زاڭناماسىنىڭ

تالاپتارىن بۇزۋشىلىقتاردى جويۋ تۋرالى نۇسقاما بەرىلىپ، ءتارتىبى ءتۇسىندىرىلدى»، - دەيدى

گۇلجامال جۇبانىشيەۆا.

ونىڭ ايتۋىنشا، ساتۋعا ارنالعان ءسۇت ونىمدەرىنىڭ سىرتقى قورابىندا ءونىمنىڭ تاۋار بەلگىسى، تازا سالماعى، قۇرامى، پارتيانىڭ ءنومىرى، سونداي- اق، دايىنداۋ جانە جارامدىلىق

مەرزىمى بولۋى ءتيىس. ال، ساتىپ الۋ كەزىندە ءونىمنىڭ قاۋىپسىزدىگىن راستايتىن قۇجاتتارى مەن

سايكەستىگى تۋرالى دەكلاراتسياسى بولۋى كەرەك. ونىمدەردىڭ ساقتالۋ، تاسىمالداۋ ەرەجەلەرىنىڭ بۇزىلعانى انىقتالعان جاعدايدا تۇتىنۋشى جەرگىلىكتى سانيتاريالىق-ەپيدەميولوگيالىق باقىلاۋ باسقارماسىنا حابارلاي الادى.

«ەۋرازيالىق ەكونوميكالىق كوميسسيا كەڭەسىنىڭ 2013 -جىلعى 9-قازانداعى №67-شەشىمىمەن

كەدەن وداعىنىڭ «ءسۇت جانە ءسۇت ونىمدەرىنىڭ قاۋىپسىزدىگى تۋرالى» تەحنيكالىق رەگلامەنتى

قابىلدانعان ەدى. بۇل رەگلامەنت مىندەتتى تۇردە ساقتالاۋى قاجەت»، - دەپ ءمالىم ەتتى گۇلجامال جۇبانىشەۆا.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى