الماتى وبلىسىندا جازاسىن بوستاندىقتا وتەپ جۇرگەن 48 ادام تۇرمەگە قامالماق

ناتيجەسىندە 48 ادامنىڭ ءىسى سوتقا قايتا جولداندى، دەپ حابارلايدى قازاقپارات ءتىلشىسى.

«جەدەل-الدىن الۋ ءىس- شاراسىنىڭ قورىتىندىسى بويىنشا وبلىستا سوتتالعاندار تاراپىنان 32 بۇزۋشىلىق انىقتالدى. 48 ادامعا قاتىستى اۋداندىق سوتتارعا باس بوستاندىعىن شەكتەۋ جازالارىن باس بوستاندىعىنان ايىرۋعا اۋىستىرۋ تۋرالى ماتەريالدار جولداندى. سونداي- اق، جۇمىلدىرىلعان قىزمەتكەرلەردىڭ كۇشىمەن ىزدەۋدە جۇرگەن 7 سوتتالعان ادامنىڭ ورنالاسقان جەرى انىقتالدى. قازىرگى ۋاقىتتا ولار تەرگەۋ يزولياتورىنا قامالىپ، سوت پروتسەسىن كۇتۋدە»، - دەدى الماتى وبلىسى بويىنشا قىلمىستىق- اتقارۋ جۇيەسى دەپارتامەنتى باستىعىنىڭ مىندەتىن اتقارۋشى قانات اشوۆ.

ۆەدومستۆونىڭ اقپاراتىنا سايكەس، الماتى وبلىسى بويىنشا قىلمىستىق- اتقارۋ جۇيەسى دەپارتامەنتىندە 21-27-ماۋسىم ارالىعىندا «شارتتى تۇردە سوتتالعاندار» جەدەل الدىن الۋ ءىس- شاراسى وتكەن.

«شارا پروباتسيا قىزمەتكەرىنىڭ ەسەبىندە تۇرعان سوتتالعاندار تاراپىنان جاسالاتىن قۇقىق بۇزۋشىلىقتىڭ جانە قىلمىستىڭ قايتالانۋىنىڭ الدىن الۋ. سونداي- اق ىزدەۋ جاريالانعانداردىڭ تۇرعىلىقتى جەرىن انىقتاۋ ماقساتىندا ۇيىمداستىرىلعان. جالپى وسى ءىس بارىسىندا وبلىس بويىنشا 78 پروباتسيا قىزمەتكەرى، 48 جەرگىلىكتى ۋچاسكەلىك پوليتسيا ينسپەكتورلارى جۇمىس ىستەدى»، - دەپ تولىقتىردى اتالعان ۆەدومستۆونىڭ باسپا ءسوز قىزمەتىنەن.

اۆتور: سامال قابىشەۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى