پوليتسيا جىل باسىنان بەرى جوعالىپ كەتكەن 48 پاۆلودارلىقتى تاپتى
«بيىل جىل باسىنان بەرى پوليتسيا بولىمىنە ازاماتتاردىڭ ءىز-ءتۇزسىز جوعالىپ كەتۋ فاكتىسى تۋرالى 54 ءوتىنىش پەن حابار تۇسكەن. پوليتسيا قىزمەتكەرلەرىنىڭ قولدانعان شارالارىنىڭ ارقاسىندا ءبىر تاۋلىكتە 42 ازاماتتىڭ قايدا ەكەنى انىقتالعان، سونىڭ ىشىندە 9 ى كامەلەتتىك جاسقا تولماعان»، - دەپ حابارلادى بۇگىن پاۆلودار وبلىستىق پوليتسيا دەپارتامەنتىنىڭ باسپا ءسوز قىزمەتى جۋرناليستەرگە.
قۇقىق قورعاۋ ورگاندارىنىڭ دەرەكتەرى بويىنشا، تاعى 6 پاۆلودارلىقتىڭ مەكەنجايى ىزدەستىرۋ ءىسى قوزعالعاننان كەيىن انىقتالعان.
«قازىرگى ۋاقىتتا ءىز-ءتۇزسىز جوعالعان تۇلعالاردى انىقتاۋ بويىنشا جەدەل- ىزدەستىرۋ جانە ىزدەۋ ءىس- شارالار كەشەنى جۇرگىزىلىپ جاتىر»، - دەدى پوليتسيا.
ازاماتتاردىڭ جوعالۋ سەبەپتەرى ءارتۇرلى: ەسكەرتۋدى، حابارلاسۋدى ۇمىتىپ كەتۋ، دوستارىندا قالىپ قويۋ، جولعا شىعا الماۋ جانە ت. ب.
«قازىرگى ۋاقىتتا 6 ازامات تابىلعان جوق»، - دەپ اتاپ ءوتتى ءوڭىردىڭ پوليتسيا دەپارتامەنتىندە.
