الماتىدا 47 جاستاعى ايەل جەتى جاسار وگەي قىزىن ۇرىپ ءولتىردى دەگەن كۇدىككە ءىلىندى

بۇل تۋرالى جۋرناليست ميحايل كوزاچكوۆ ءوزىنىڭ Telegram ارناسىندا جازدى، دەپ حابارلايدى قازاقپارات ءتىلشىسى.

جۋرناليستىڭ حابارلاۋىنشا، قىزدىڭ ولىمىنە كۇدىكتى - 47 جاستاعى قوعام بەلسەندىسى بالجان تۇرلىبەك.

قازا تاپقان ءبۇلدىرشىن ودان شامامەن 15 جاس كىشى جولداسىنىڭ (اۋلا سىپىرۋشى) ءبىرىنشى نەكەسىنەن تۋعان قىزى بولعان.

الماتى قالالىق پوليتسيا دەپارتامەنتى بوستاندىق اۋداندىق پوليتسيا باسقارماسى قىلمىستىق ءىس ق ر ق ك 99-بابى 3-بولىگىمەن تەرگەلىپ جاتقانىن حابارلادى.

«كۇدىكتى - 1976 -جىلى تۋعان ت. ەسىمدى ازاماتشا ۇستالىپ، قاماۋعا الىندى. تەرگەۋ جالعاسىپ جاتىر»، - دەپ حابارلادى قالالىق پوليتسيا دەپارتامەنتىنىڭ ءداسپاسوز قىزمەتى.

ەسكە سالايىق، كەشە تۇركىستان وبلىسىنىڭ سارىاعاش اۋدانىندا 5 جاسار قىز بالا ازاپتالىپ ولتىرىلگەن ەدى.

قايعىلى وقيعا تۋرالى مەملەكەت باسشىسىنا مالىمەت بەرىلگەن بولاتىن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى